“Ümumi evimiz - Yer kürəsi” maraqla qarşılanıb

 Sumqayıt Özəl Türk Liseyində “Ümumi evimiz - Yer kürəsi” mövzusunda elmi-praktik tədbir keçirilib. Tədbirdə liseyin şagirdləri slayd, pano və maket kateqoriyalarında fərdi işlərini nümayiş etdiriblər.
 Liseyin coğrafiya müəllimi Namiq Ağaməmmədov tədbirin keçirilməsinin əhəmiyyəti və məqsədi barəsində geniş şəkildə məlumat verdi. O bildirib ki Yer kürəsini qorumaq və öyrənmək bu planetin sakinlərinin müqəddəs borcudur. O həmçinin qeyd edib ki, belə tədbirlər şagirdlərin intellektual səviyyələrini artırmağa və onlarda özünəinamı aşılamağa xidmət edir.
 Qeyd edək ki, tədbirdə Sumqayıt Şəhər Gənclər və İdman Baş İdarəsinin rəisi Musa Həsənov, Sumqayıt Şəhər Təhsil Söbəsinin əməkdaşları - Sabir Məmmədov və Sabirə xanım Hüseynli də iştirak ediblər. Tədbir qonaqlar və valideynlər tərəfindən böyük maraqla izlənilib. Bəzi şagirdlərin öz işlərini ingilis dilində təqdim etmələri təqdirəlayiq hal kimi qiymətləndirilib.
Tədbirin sonunda müxtəlif kateqoriyalarda fərqlənmiş şagirdlərə hədiyyələr və fəxri fərmanlar təqdim olunub.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF