Türkiyəli qonaqlar Sumqayıt Özəl Türk Liseyində
Yanvarın 14-də qardaş Türkiyə Cumhuriyyətindən olan bir qrup iş adamı
və müxtəlif dövlət qurumlarında çalışan şəxslər Sumqayıt Özəl Türk
Liseyində olublar. Qonaqlar liseyin maddi-texniki bazası, sosial
şəraiti, sinif otaqları, kitabxanası, laboratoriyaları ilə yaxından
tanış olublar. Sumqayıt Özəl Türk Liseyinin müdir müavini Tuncer Telli
qonaqlara tədris müəssisəsinin uğurları, eləcədə şagirdlərinin
Respublika və Beynəlxalq Fənn Olimpiadalarında fəal iştirakı Azərbaycan
bayrağını ən yüksəklərə ucaltdıqları barədə söhbət açıb. Qonaqlar
liseyin fəaliyyətindən, burada şagirdlər üçün hazırlanmış şəraitdən
məmnun olduqlarını bildiribilər. Liseyin pedaqoji kollektivinin əməyini
və təlim-tədris metodlarını yüksək qiymətləndirdilər.
Burada gördüklərindən məmnun olan qonaqlar, Azərbaycanda fəaliyyət
göstərən Azərbaycan-Türkiyə Özəl Liseylərinin iki qardaş və dost ölkənin
əlaqələrinin daha da inkişaf etdirilməsində öz töhfəsini verdiyini
bildiriblər.
Sonda qonaqlara liseyin xatirə hədiyyələri təqdim olunub.
