Tələbə Qəbulu üzrə Dövlət Komissiyası (TQDK) 2011-2012-ci tədris ili üçün tələbə qəbulu ilə bağlı elmi-statistik təhlilin nəticələrini açıqlayıb. TQDK sədri Məleykə Abbaszadə bildirib ki, bu il ali təhsil müəssisələrinə qəbul imtahanlarında 5433 abtituriyent 500-dən, o cümlədən 1540 abitruiyent 600-dən yuxarı bal toplayıb. M.Abbaszadə abituriyentləri yüksək nəticələr göstərən bölgələrin də müəyyənləşdiyini qeyd edib. Onun sözlərinə bunlar əsasən respublikanın 72 bölgəsini təmsil edir. “Bakı, Sumqayıt, Naxçıvan şəhərləri, o cümlədən Qax, Ordubad, Qəbələ, İsmayıllı rayonlarından ali məktəblərə imtahan verən abituriyentlərin bal göstəriciləri yüksək olub. Bu bölgələrdən ali təhsil müəssislərinə sənəd verən hər 100 nəfər gəncin 6-9-u imtahanlarda 500-dən yuxarı bal toplayır. Bu göstəricidə rayonlar üzrə Qax liderlik edir. Qax abituriyentlərinin topladığı bal orta hesabla 255-dən yuxarıdır. İmtahanlarda ən aşağı balı İmişli, Ağsu, Hacıqabul rayonlarının abituriyentləri ...
Qafqaz Universiteti Sosial İqtisadi Tədqiqatlar Mərkəzi Amerika Birləşmiş Ştatlarının Azərbaycandakı Səfirliyinin Əqli Mülkiyyət Hüquqlarının qorunması üzrə elan etdiyi qrant layihəyə qoşulmaq üçün 15 Yanvar 2012-ci il tarixində Azərbaycandakı Əqli Mülkiyyət Hüquqi ilə ələqədar problemlər adlı qrant layihəni hazırlayaraq Amerika Birləşmiş Ştatlarının Azərbaycandakı Səfirliyinə təqdim etmişdir. Layihə çərçivəsində Azərbaycandakı tələbələr, özəl və dövlət müəssisə nümayəndələri əqli mülkiyyət hüquqları ilə bağlı normativ qanunlar və bu sahədəki pozuntulara qarşı necə mübarizə aparmaq qaydaları ilə təlimatlandırılması nəzərdə tutulur. Layihə 12 ay davam edəcəkdir və layihə çərçivəsində 8 seminar təşkil olunacaqdır.
