Firdovsiyyə xanım Əhmədova Gimnaziyada şagirdlərlə görüşüb
“Qafqaz“ Azərbaycan – Türkiyə Özəl Gimnaziyasında 20 yanvar
faciəsinin ildönümü ilə əlaqədar olaraq Azərbaycan Respublikasının
Prezidenti yanında Dövlət İdarəçilik Akademiyasının Tarix kafedrasının
dosenti, Tarix üzrə fəlsəfə doktoru Firdovsiyyə xanım Əhmədova
şagirdlərlə görüşüb.
Görüş zamanı Firdovsiyyə xanım şagirdlərə
Azərbaycanda suverən, demokratik bir dövlət qurmaq amalı ilə ayağa
qalxmış xalqın inam və iradəsini qırmaq, milli mənliyini alçaltmaq,
milli azadlıq hərəkatını boğmaq məqsədi ilə 1990-cı il yanvarın 20-də
dinc əhaliyə qarşı ağır cinayət törədilməsindən, bununda nəticəsində
yüzlərlə insanın yaralanmasından və qəddarcasına qətlə yetirilməsindən
ətraflı danışıb.
Bununla əlaqədar olaraq şagirdləri maraqlandıran
sualları cavablandırıb. Xalqımızın başına gətirilən bu faciəni heç vaxt
unutmamağı tövsiyyə edib.
Gimnaziyanın müdiri Serhat Aktaş Firdovsiyyə
xanım Əhmədova 20 yanvar faciəsi ilə əlaqədar ətraflı çıxışına görə
təşəkkür edib və xatirə hədiyyəsi təqdim edib.
