Karyer Planlama Mərkəzlərinin nümayəndələri ABŞ-da təlimlərdə iştirak edəcəklər
Qafqaz Universiteti Karyera Planlama Mərkəzinin
(KPM) müdiri Dr. İsa Qasımov ABŞ Dövlət Departamentinin təşkil etydiyi
Beynəlxalq Qonaqlar (IVLP) Proqramında iştirak etmək hüququ qazanmışdır.
28 yanvar 2012 – 18 fevral 2012 tarixlərində baş tutacaq proqramın
məqsədi Universitet –İş dünyası əlaqələrinin inkişaf etdirilməsi, eləcə
də tələbələrin universitet həyatında karyera planlamanın yeri, bu
istiqamətdə ABŞ universitetlərində həyata keçirilən fəaliyyətlərin
öyrənilməsi və s. bu kimi sahələrdə təkmilləşdirici məlumatların
verilməsidir.
Proqram zamanı ABŞ-ın 4 ayrı şəhərində (Washington, Portland, Los
Angeles, New York) müxtəlif universitetlərdə və iş mərkəzlərində
görüşlər keçiriləcəkdir. Görüşlər zamanı mövzu ilə bağlı təlimlərə də
xüsusi yer veriləcəkdir.
Qeyd edək ki, Proqramda Qafqaz Universiteti KPM-nin müdiri Dr. İsa
Qasımovdan başqa Odlar Yurdu Universitetindən Səbinə Əliyeva, Azərbaycan
Dövlət İqtisad Universitetindən Fuad Əliyev, Xəzər Universitetindən
İsgəndər Ağayev də iştirak edəcəkdir.
