Amerikalı prof. Sumqayıt Özəl Türk Liseyində
Yanvarın 26-da Amerikalı prof. Shirley A. Stanley Sumqayıt Özəl Türk
Liseyində olub. Əvvəlcə qonaq liseyin sinif otaqları, kitabxanası,
laboratoriyaları və şagirdlərin social şəraiti ilə yaxından tanış olub.
liseyin müdiri Ahmet Çamalan bu tədris müəssisəsinin təhsildə əldə
etdiyi uğurları, nailiyyətləri barədə ətraflı məlumat verib. Bundan
başqa liseyin iştirak etdiyi Kabitef Texnologiya sərgisi, “Fərqli
Mədəniyyətlərin Qovşağında Azərbaycan” və (İnepo-Avrasiya) kimi
beynəlxalq tədbir və olimpiadalar haqqında danışıb. Sumqayıt Özəl Türk
Liseyinin şagirdlərinin hamısınınTQDK-nın ali məktəblərə qəbulla bağlı
keçirdiyi imtahanlarında yüksək bal toplayaraq dünyanın bir çox
universitetlərində təhsillərini davam etdirmələrindən söhbət açıb. Bu
uğurların davam etdirilməsi üçün lazımi şəraitin hazırlandığını
bildirib. Sonra Shirley A. Stanley ilə fikir mübadiləsi aparılib və onu
maraqlandıran suallar cavablandırılıb. Amerikalı professor müasir
tələblərə cavab liseyin uğurlarından, xüsusən son illərdə məzunlarının
hamsının universitetlərə qəbul olmasından heyrətləndiyini xüsusi ilə
qeyd edib. Amerika təhsil sistemi ilə buradakı təhsili müqayisə edərək,
təhsilimizin bəzi üstünlüklərini də gizlətməyib. Burada gördüklərindən
məmnun olduğunu bildirib. Sumqayıt Özəl Türk Liseyinin pedaqoji
kollektivinə təhsildə uğurlar diləyib. Sonda A. Çamalan qonağa liseyin xatirə hədiyyələrini təqdim edib.
http://www.cag.edu.az/v2/index.php/8-cagdan-xbrlr/462-amerikal-prof-sumqayt-oezl-tuerk-liseyind.html 
