“Arqumenti ru”–nun baş redaktoru Dmitri Fedotov Qafqaz Universitetində gənç jurnalistlərlə görüşüb.
10 January, 2012
Qafqaz Universitetində tanınmış jurnalist dəlillər və faktlar (rus. -
Аргументы и Факты)- həftəlik ictimai-siyasi qəzetin nəzdində fəaliyyət
göstərən “Arqumenti ru” xəbər informasiya veb sayıtının baş redaktoru
Dmitri Fedotovla müəllim və tələbə heyəti ilə görüş keçirilib.
Jurnalist
haqqında qısa informasiya verən universitetin jurnalistika fakultəsinin
kafedra müdiri professor Qulu Məhərrəmli jurnalistin tərcümeyi
halından bəhs etdi. O Moskva Dövlət Universitetin jurnalistika
fakultəsinin məzunu TASS agentliyinin avropa ökələrində xüsusi müxbiri
olub. Sovet hökuməti dağılandan sonra özəl kommersiya strukturlarında
çalışıb. Sonradan jurnalistikaya qayıdıb və 2002-ci ildən etibarən
“Trud” qəzetində müxtəlif rəhbər vəzifələrdə işləyib, qəzetə məxsus
nəşriyyatın direktor müavini olub. Dmitri Fedotov 2006-cı ildən müstəqil
“Argumenti nedeli” həftəlik nəşrin baş direktor müavini kimi işləyib.
Qısa müddət ərzində bu qəzet populyarlıq qazanıb və Rusiyanın yüksək
tirajlı ictimai-siyasi nəşrləri siyahısında ilk beşliyə daxil olub.
Sonra
söz alan Dmitri Fedotov işlədiyi və rəhbərlik etdiyi təşkilat haqqında
dinləyicilərə qısa informasiya verdi. 1978-ci ilin yanvar ayında işıq
üzü görən qəzet Rusiyanın ən iri və kütləvi informasiya vasitələrindən
birinə çevrildi. Dmitri Fedotov Rusiyada və MDB üzvü olan digər
ölkələrdə 3 milyon nüsxədən artıq tirajla çap olunan “Arqumentı i faktı”
qəzeti və 2 miliyona yaxın oxuyucusu olan veb sayt barədə informasiya
verdi. Fedotov nitqində dediki “Argumenti.ru” Rusiyanın ən oxunaqlı 10
saytından biridir. Jurnalist tələbə və müəllimlərin suallarına cavab
verdi.
Tədbirin
sonunda Universitetin rektoru professor Ahmet Saniç günün xatirəsinə
həsr olunan xatirə plaketi təqdim etdi və universitet haqqında
jurnalistə qısa informasiya verdi. Qonaq universitetin auditoriyaları
ilə tanış oldu. Jurnalist universitetlə tanışlıqdan sonra dərin
minnətdarlığını bildirdi.
Rəcəb Rzayev
Qafqaz Universiteti mətbuat şöbəsi
