“Mesenat” yenə səhnədə
28 December, 2011
Qafqaz
Universitetinin teatr dərnəyi, müasir həyatla ayaqlaşan çağdaş
tələblərə cavab verən tamaşalar hazırlayır. Həvəskar tələbələr teatrdan
estetik zövq almaqla yanaşı, həm də bilik və mədəni səviyyələrini
yüksəldirlər. Teatr özfəaliyyəti kollektivinin bədii rəhbəri,
sənətşünaslıq namizədi Zəminə Axundovanın verdiyi quruluş əsasında Əli
Əmirlinin milyonçu Hacı Zeynalabdin Tağıyevin həyat və fəaliyyətindən
bəhs edən “Mesenat” pyesinin eyniadlı ilk tamaşası Dövlət Gənc
Tamaşaçılar Teatrında oynanıldı. Anşlaqla keçən tamaşa teatrsevərlərin
yaddaşında dərin izlər qoya bildi.
Dekabrın
29-da saat 12:00-da “Mesenat” tamaşası tələbə aktyorların ifasında
Abşeron rayon Mədəniyyət Evində nümayiş olunacaq. Universitetin
tələbələrini, məzunları, valideynləri ədəbiyyat və teatrsevərləri
xalqımızın yaddaşında xeyirxah əməlləri ilə dərin izlər buraxmış Hacı
Zeynalabdin Tağıyevin tale dramına baxmağa dəvət edirik.
