“Azərikimya”da tədbir
ARDNŞ-in “Azərikimya” İstehsalat Birliyinin
akt zalında 31 Dekabr - Dünya Azərbaycanlılarının Həmrəyliyi Günü münasibətilə
Birlik əməkçilərinin, şəhər ictimaiyyətinin, tələbələrin, məktəblilərin və
kütləvi informasiya vasitələri nümayəndələrinin iştirakı ilə təntənəli tədbir
keçirilmişdir.
Dünya şöhrətli sənətkar Müslüm Maqomayevin
“Azərbaycan” mahnısı ilə başlanan, daha sonra isə “Həmrəylik” himninin sədaları
ilə davam edən tədbirdə leytmotivini ulu öndər Heydər Əliyevin “Həmişə fəxr
etmişəm ki, mən azərbaycanlıyam!” sözləri təşkil edən sənədli film nümayiş
etdirilmişdir. Dünya azərbaycanlılarının xüsusi təntənə ilə bayram etdikləri
Həmrəylik Gününün yaranma tarixindən və onun ölkəmizin və dünya
azərbaycanlılarının ictimai həyatındakı müstəsna əhəmiyyətindən söhbət
açılmışdır. Daha sonra tədbir “Azərikimya” İB-nin, Sumqayıt Texnoparkının, “AZENKO”
ATSC-nin, “Azərboru” ASC-nin, ali və orta təhsil ocaqlarının - Qafqaz Universitetinin, Sumqayıt Texniki
kollecinin, həmçinin KİV nümayəndələrinin təmsil olunduqları 9 komanda arasında
keçirilən breyn-rinq yarışması ilə davam etdirilmişdir. Münsiflər heyətinin
qərarına əsasən müsabiqədə daha böyük fəallıq nümayiş etdirən mətbuat
nümayəndələri birinci, Qafqaz Universitetinin və “Azərikimya” İB-nin
komandaları isə müvafiq olaraq ikinci və üçüncü yerləri tutmuşlar.
Qalib komandalar “Azərikimya” İB tərəfindən
xüsusi diplom və qiymətli hədiyyələrlə mükafatlandırılmışlar.
