“Fairmont BAKU”nun baş direktoru Qafqaz Universitetinin qonağı oldu
22 December, 2011
Fairmont BAKU şirkətinin baş direktoru Adrian
Ellis Qafqaz Universitetinin qonağı oldu. Qonağı əvvəlcə Universitetin
rektoru prof. Ahmet Saniç qəbul etdi. Görüşdə hər iki tərəf fəaliyyət
sahələri haqqında ətarflı məlumat verdi.
Fairmont Baku şirkətinin baş direktoru Adrian Ellis
dünyanın müxtəlif ölkələrində göstərdikləri turizm xidmətinin
Azərbaycanda da yüksək şəkildə qurmaq istədiklərini ifadə etdi və bu
məqsədlə akademiya formalaşdıracaqlarını bildirdi.
Rəsmi görüşdən sonra Universitetin elmi-texniki imkanları
və kadr potensialı ilə tanış olan Adrian Ellis müvafiq sahələrdə
əməkdaşlığın mümkün ola biləcəyini vurğuladı.
Xatırladaq ki, Fairmont Baku şirkətinin əsas fəaliyyət
sahələrindən biri olacaq Fairmont Baku oteli 2012-ci ilin yaz aylarında
fəaliyyətə başlayacağı planlaşdırılır.
Dr. İsa Qasımov
