Gənc akademiya klubu üzvləri müstəqil Azərbaycan tarixini vərəqlədi
28 December, 2011
Azərbaycanın
dövlət müstəqilliyinin bərpasının və Çağ Öyrətim İşlətmələri şirkətinin
20 illiyi çərçivəsində tədbirlər davam edir. Gənc Akademiya klubunun
təşkilatçılığı ilə “Müstəqilliyimizin dünəni və bu günü” mövzusunda
seminar məşğələsi keçirildi. Seminarda Türk və Qafqaz xalqları tarixinin
tədqiqatçısı, üç il ABŞ-da yaşayan, əvvəlcə bir akademik dərs ili
müddətində Vaşinqtondakı Corctaun Universitetində “Fulbright” proqramı
çərçivəsində tədqiqat aparan, daha sonra Los Ancelosdakı Kaliforniya
Universitetində son iki yüzillik Azərbaycan tarixi, müasir türk
xalqlarının mədəni tarixi, SSRİ-də islam və Azərbaycan dili kursları
keçən tanınmış tarix elmləri namizədi, dosent Altay Göyüşov çıxış etdi.
Klub üzvlərini maraqlandıran suallar cavablandırıldı. Azərbaycanın
müstəqillik tarixi haqda geniş məlumat verən Altay Göyüşov növbəti
seminarda müstəqilliyin bərpasından sonrakı dövr haqda məlumat
verəcəyini diqqətə çatdırdı.
