“Çağ” Öyrətim İşlətmələrinin pedaqoji müşaviri Nazim Əkbərov:Kurrikulum, müasir təhsil və tərbiyə
Dekabrın 17-də Kafkas İlk Öğretim okulunda konfrans keçirilib.
Konfransda Azərbaycan Respublikası Təhsil Nazirliyinin “Həyat Bilgisi”
fənni üzrə kurrikulumun milli məsləhətçisi, “Çağ” Öyrətim İşlətmələrinin
pedaqoji müşaviri Nazim Əkbərov çıxış edərək, bu məktəbdə təhsil alan
şagirdlərin valideynlərinə kurrikulum, müasir təhsil və tərbiyə
barəsində ətraflı məlumat verib. N. Əkbərov çıxışında müasir təhsilin
fərqli cəhətləri, şagirdlərin qabiliyyət və bacarıqlarının
artırılmasında valideynlərin və məktəbin üzərinə düşən vəzifələr barədə
söhbət açıb. Şagirdlərin daha tərbiyəli və savadlı yetişmələri üçün ən
önəmli metodlardan biri olan “vəzifə vermə” barədə danışaraq misallar
göstərib. Valideynlər konfransın maraqlı və olduqca zəruri olduğunu qeyd
edərək, belə bir konfransı təşkil etdiyinə görə “Çağ” Öyrətim
İşlətmələrinə eləcə də Nazim Əkbərova minnətdarlıqlarını bildiriblər.
