Türkiyəli qonaqlar Qubada
Qafqaz Universitetinin təşəbbüsü ilə Azərbaycanda səfərdə olan
Samsun şəhərinin bələdiyyə başqanının müşayət etdiyi geniş tərkibli
nümayəndə heyəti Qubaya səfər edib. SİA-nın Şimal bürosunun verdiyi
məlumata görə, qonaqları Quba rayon İcra Hakimiyyətinin başçısı Mübariz
Ağayev qəbul edib.
SİA-nın Şimal bürosunun verdiyi xəbərə görə, o
rayonun tarixindən bəhs edərkən ümummilli lider Heydər Əliyevin iki
qardaş ölkə arasında münasibətləri ən yığcam şəkildə səciyyələndirən
“Azərbaycan və Türkiyə - bir millət, iki dövlətdir” sözlərini
xatırladıb. Mübariz Ağayev qeyd edib ki, Türkiyə Azərbaycanın ən mühüm
tərəfdaşıdır. Qonaqlar görüşdən çox məmnun qalıblar.
Qeyd edək ki, qonaqlar sonda Quba Soyqırımı məzarlığını yad ediblər.
