Samsun Böyükşəhər Bələdiyyə üzvləri liseydə
Türkiyə
Cumhuriyyətinin Samsun Böyükşəhər Bələdiyyə başçısı Yusuf Ziya Yılmazın
rəhbərlik etdiyi nümayəndə heyəti, “Qafqaz” Universitetinin rektoru,
professor Ahmet Saniç və Quba Özəl Türk Liseyinin müdiri Mustafa
Alagözoğlu Quba Rayon İcra Hakimiyyətində olublar. Qonaqları rayon İcra
Hakimiyyətinin Başçısı Mübariz Ağayev səmimiyyətlə qəbul edib.
Qeyd
edək ki, 1997-cı ildə Samsun Böyükşəhər Bələdiyyə məclisində Quba və
Samsun şəhərləri arasında "qardaş şəhər" olmaları ilə bağlı qərar qəbul
edilmişdir.
Görüşdə
iki qardaş ölkənin qardaşlaşmış iki şəhərinin qarşlıqlı
münasibətlərinin inkişafından, bu dostluq qarşdaşlığın “Qafqaz”
Universitetinin və Quba Özəl Türk Liseyinin simasında əbədi
bağlanmasından danışıblar. Bu görüşdən məmnun olduğunu bildirən İcra
Başçısı qonaqlara eləcə də “Qafqaz”ın və Quba Özəl Türk Liseyinin
pedaqoji kollektivinə işlərində uğurlar arzulayıb.
Sonda qarşılıqlı olaraq hədiyyələr təqdim edilib.
Daha
sonra qonaqlar Quba şəhərindəki kütləvi məzarlığı ziyarət ediblər.
Burada gördüklərindən təsirlənərək ermənilərin törətdiklər bu
vəhşilikləri pisləyiblər.
Sonra
qonaqlar Quba Özəl Türk Liseyinə gələrək məktəbin müəllim və şagird
kollektivi eləcə də tədris şəraiti ilə yaxından tanış olublar. Qonaqları
liseyin müəllim və şagirdləri böyük coşqu ilə, gül-çiçəklə
qarşılayıblar. Liseyin müdiri Mustafa
Alagözoğlu Türkiyəli qonaqlara bu təhsil ocağının əldə etdiyi
nailiyyətləri barədə ətraflı məlumat verib. Qonaqlar burada şagirdlər
üçün hazırlanmış şəraitdən şagirdlərinin təhsildə qazandıqları
uğurlardan məmnun olduqlarını bildiriblər və liseyin pedaqoji
kollektivnə uğurlar diləyiblər.
