“Qafqaz” Azərbaycan-Türkiyə Özəl Gimnaziyasında Nizami Gəncəviyə həsr olunmuş ədəbi-bədii gecə keçirilib
“Qüvvət elmdədir, başqa cür heç kəs,
Heç kəsə üstünlük eyləyə bilməz”.
Nizami Gəncəvi
“Qafqaz”
Azərbaycan-Türkiyə Özəl Gimnaziyasında dahi şair Nizami Gəncəvinin 870
illik yubileyi münasibəti ilə şagirdlər arasında müsabiqə keçirilib.
Bununla əlaqədar olaraq aprelin 19-da müsabiqənin yekunlarına həsr
olunmuş və şagirdlərin Nizami Gəncəvinin əsərləri əsasında
hazırladıqları ədəbi-bədii gecə keçirilib. Tədbirdə Azərbaycan
Respublikası Səhiyyə Nazirinin müavini Elsevər Ağayev, Gəncə Nizami
Mərkəzinin direktoru Xəlil Yusifli, Azərbaycan-Turkiyə
Özəl Liseyləri Bas İdarəsinin rəisi Mesut Kurnaz, müşavir Nazim Əkbərov
və gimnaziyanın müdiri Serhat Aktaş, müəllim və şagirdlər iştirak
ediblər.
Əvvəlcə
qonaqlara şagirdlərin əl işlərindən ibarət sərgi nümayiş olunub.
Sərgidəki hər bir əsərdə şagirdlərin Nizami yaradıcılığına sevgisi öz
əksini tapıb. Gimnaziyanin rəhbəri Serhat Aktaş bildirib ki, bu sərgi
Nizami Gəncəvi irsinin şagirdlərə tanıdılmasında, həyatı dərk etməsində
böyük əhəmiyyəti vardır. O, bunu şairin qələmə aldığı hər sətirdə hikmət
olması ilə əlaqələndirib.
Sonra
bir neçə nominasiyalar üzrə yarışan şagirdlər arasından seçilmiş
qaliblər mükafatlandırılıb. Mükafatları qalib şagirdlərə
Azərbaycan-Turkiyə Özəl Liseyləri Bas İdarəsinin rəisi Mesut Kurnaz,
Gəncə Nizami Mərkəzinin direktoru Xəlil Yusifli təqdim ediblər. Qalib
şagirdlərin Gəncə səhərinə ekskursiya edəcəklərini bildiriblər. Tədbirdə
iştirak edən qonaqlar ədəbi- bədii gecənin şagirdlərin Nizami irsinin
öyrənilməsi və təbliğində böyük rol oynadığı deyiblər. Gimnaziyanın
pedaqoji kollektivinə belə bir tədbiri təşkil etdiklərinə görə
təşəkkürlərini bildiriblər.
