Beynəlxalq Əlaqələr Ofislərinin Əməkdaşları Qafqaz Universitetində bir araya gəldilər

12 April, 2012,
Qafqaz Universiteti və Bakı Dövlət Universitetlərinin təşəbbüsü ilə Qafqaz Universitetində Azərbaycanın qabaqcıl ali təhsil müəssisələrinin Beynəlxalq Əlaqələr üzrə heyyətlərinin toplantısı keçirilmişdir. Toplantıda Təhsil Nazirliyi Xarici Əlaqələr, İnformasiya və koordinasiya şöbəsinin müdiri Tamilla Əliyeva, Azərbaycan Tibb Universiteti, Milli Aviasiya Akademiyası Azərbaycan Respublikasının Prezidenti yanında Dövlət İdarəçilik Akademiyası, Azərbaycan Texniki Universiteti, Azərbaycan Memarlıq və İnşaat Universiteti, Bakı Slavyan Universiteti, Azərbaycan Dillər Universiteti, Azərbaycan Dövlət İqtisad Universiteti, Azərbaycan Turism İnstitutu, Odlar Yurdu Universiteti, Xəzər Universiteti və Azerbaijan Universitetlərindən nümayəndə heyyəti iştirak ediblər.
Toplantı zamanı Azərbaycanda ali təhsilin beynəlxalq təhsil arenasına inteqrasiyası prosesində universitetlərin üzləşdikləri imkanlar yeniliklər və əngəllər haqqında fikir mübadiləsi aparılmışdır. Açılışı Qafqaz Uuniversitetinin rektoru Prof. Dr. Ahmet Saniç etmişdir. Qonaqları salamlamanın ardınca, Azərbaycan ali təhsil müəssisələrinin beynəlxalq təhsil məkanında atdığı bir sıra uğurlu addımlardan söz açdı. Prof. Dr. Ahmet Saniç bundan sonra daha da yüksək nəticələr göstərmək üçün universitetlərin birlikdə çalışmalarında fayda olduğunu vurğuladı.
İştirakçıların qərarı ilə bənzəri toplantılar mütəmmadi olaraq həyata keçiriləcəkdir. 

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF