Düşüncə klubu “Sosial məsuliyyət” layihəsi çərçivəsində 8 saylı internat uşaq evini ziyarət ediblər.
Düşüncə
klubunun “Sosial məsuliyyət” layihəsi çərçivəsində bir qrup müəllim və
tələbələr Buzovna qəsəbəsi ərazisində yerləşən 8 saylı internat uşaq
evini ziyarət ediblər.
Tələbələr müəllimlərinin iştirakı ilə
gətirdikləri hər yaş qrupuna uyğun xüsusi hazırlanmış qida məhsullarını
və digər hədiyyələri uşaqlara təqdim ediblər.
Qeyd edək ki, bu uşaq
evində 75 uşaq qalır. Ata-ana nəvazişindən məhrum olmuş uşaqlarla
ünsiyyətdən olduqca məmnun olmuş tələbələr onlarla ayrı-ayrılıqda
görüşərək söhbət etmiş kimsəsizlərə maddi və mənəvi dayaq olmağa
çalışmışlar.
Tələbələr belə görüşlərin tez-tez keçirilməsini arzulayıb.
Bu görüş valideyin qayğısından uzaq düşmüş uşaqların hədsiz sevincinə
səbəb olub.
Uşaq evinin işçiləri və uşaqlar, Qafqaz Universitetinin
müəllim və şagirdlərinə xeyirxah əməllərinə görə minnətdarlıqlarını
bildirib.
