Rabitəbankda karyera imkanları
26 April, 2012, Rabitəbankın mütəxəssisləri Qafqaz
Universitetində müvafiq ixtisaslarda təhsil alan tələbə və magistrlarla
görüşdülər. Əvvəlcə, Rabitəbank İdarə Heyətinin sədr müavinin Elçin
Qədimov iştirakçılara uğurlu karyera qazanma yolunda diqqət edilməsi
məqamlar haqqında tövsiyələrini verdi.
Sonra isə Rabitəbank İnsan
Resursları Departamentinin direktoru Fəzilə Əsgərova Rabitəbankda
karyera imkanları haqqında geniş təqdimatla çıxış etdi. Görüşdə
toxunulan məsələlər tələbə və magistrların marağına səbəb oldu və çoxlu
suallar verildi. Suallar hərtərəfli cavablandırıldıqdan sonra
iştirakçılar Rabitəbankda işə qəbulla bağlı ilkin test imtahanı verdi.
İmtahan nəticələri yaxşı olanlar ikinci mrəhələdə müsabiqəyə dəvət
olunacaqlar.
Tələbə və magistrlarla görüşdən sonra qonaqlar Qafqaz Universitetinin
iş dünyası ilə əlaqələrini əks etdirən elmi-texniki baza ilə tanış
oldular.
Sonda Universitetin rektoru prof. Ahmet Saniç qonaqları qəbul etdi.
Qəbul zamanı ikitərəfli münasibətlərin qarşılıqlı maraqlar əsasında
inkişaf etdirilməsi üçün bəzi məqamlar müzakirə edildi.
Dos. İsa Qasımov
