Göyçay Rayon Təhsil Şöbəsində görüş
Ağdaş Özəl Türk Liseyinin müdiri Ramazan Tomay Göyçay Rayon Təhsil Şöbəsinin müdiri Asif Nəbiyevlə
görüşüb. Görüş zamanı Ramazan Tomay liseyin fəaliyyəti təhsil
göstəriciləri barədə məlumat verərək bildirib ki, keçən il
məzunlarının hamısı TQDK-nın ali məktəblərə qəbulla bağlı keçirdiyi
imtahanlarda yüksək bal toplayaraq müxtəlif ali məktəblərə qəbul
olunublar. Liseydə şagirdlər üçün lazımi şəraitin hazırlandığını,
respublika və beynəlxalq fənn eləcə də layihə olimpiadalarında da
medallar qazandıqlarını deyən, liseyin müdiri bu ildə yüksək
nailiyyətlər əldə edəcəklərinə əmin olduğunu söyləyib.
Göyçay Rayon Təhsil şöbəsinin müdiri Asif Nəbiyevi Azərbaycan-Türkiyə Özəl Liseylərinin, eləcə də Ağdaş
Özəl Türk Liseyinin Respublikamızın təhsil sistemində çox böyük rolu
olduğunu və Ağdaş Özəl Türk Liseyinin ətraf rayon məktəbləri üçün də
nümunə olduğunu deyib və ATÖL-nin fəaliyyətindən qürur duyduğunu
bildirib. Liseyin pedaqoji kollektivinə təhsildə uğurlar diləyib.
Görüşün
sonunda Ramazan Tomay “Ana dilimizi sevək, sevdirək” müsabiqəsinin
təsis etdiyi xatirə hədiyyəsini Asif Nəbiyevə təqdim edib.
