Siyəzən Rayon İcra Hakimiyyətinin Başçısı Quba Özəl Türk Liseyinin müdirini qəbul edib.
Siyəzən
Rayon İcra Hakimiyyətinin Başçısı Arif Qasımov Quba Özəl Türk Liseyinin
müdiri Mustafa Alagözoğlunu qəbul edib. Qəbul zamanı M. Alagözoğlu
liseyin təhsildə əldə etdiyi nailiyyətləri, uğurları barədə ətraflı
məlumat verib.
Şagirdlərinin beynəlxalq fənn və layihə olimpiadalarında
fəal iştirak etmələrindən, Tələbə Qəbulu üzrə Dövlət Komissiyasının ali
məktəblərə qəbulla bağlı keçirdiyi imtahanlarda yüksək bal toplayaraq
dünyanın bir çox universitetlərində təhsillərini davam etdirmələrindən,
məzunlarının təhsil aldıqları ölkələrdə Azərbaycanı ləyaqətlə təmsil
etmələrindən söhbər açıb.
İcra Başçısı A. Qasımov Quba Özəl Türk
Liseyinin nümunəvi bir təhsil ocağı olduğunu bildirərək liseyin təhsildə
qazandığı uğurlarından məmnun olduğunu deyib. Rayonda fəaliyyət
göstərən təhsil müəssisələrinə göstərilən diqqət və qayğıdan, bu sahənin
daha da inkişaf etdirilməsi üçün lazımi tədbirlərin görülməsindən
danışıb. Bu işlərin bundan sonrada davam etdiriləcəyini vurğulayıb. Quba
Özəl Türk Liseyinə və onun pedaqoji kollektivinə uğurlar arzulayıb.
