Qafqaz Universitetinin tələbələri Erasmus Mundus ALRAKIS-I çərçivəsində mübadilə haqqını qazandılar
12 November, 2012, 2011-ci ildən etibarən Qafqaz Universitetinin əməkdaşı olduğu Avropa Birliyinin Erasmus Mundus layihəsində 2012-ci ildə də iki yeni proqramda iştirak etmək hüququ qazanaraq cəmi üç proqramda təmsil olunmuşdur.
BACKIS və ALRAKIS-II adlanan yeni layihələr əsasən eyni məqsədlə daha çox tələbə və tədqiqatçının daha fərqli universitetlərə göndərmək imkanı verir. Bununla bağlı Noyabr ayının 6-10 tarixlərində Ukraynanın Odessa, Simferepol və Yalta şəhərlərində keçirilən təqdimat mərasimlərində universitetmizin əməkdaşları iştirak etmiş və müvafiq əməkdaşlıq əlaqələrinin qurulmasını həyata keçirmişdirlər. Bu proqramlara müraciət cari ilin noyabr ayının sonlarından başlayacaqdır.
Hal-hazırda icrada olan ALRAKIS-I proqramında iştirak etmək üçün müraciət edən bir çox universitetlərin tələbə və müəllim heyətinin dəyərləndirilməsi yekunlaşdırılmış və qaliblər təsdiqlənmişdir. Sevindirici haldır ki, dəyərləndirmənin nəticəsində keçən illə müqayisədə Universitetimzdən daha çox tələbə bu proqramda iştirak etmək hüququ əldə etmişdir. Bu il tələbələrimiz Avstriyanın Gratz universiteti və Almaniyanın Göttingen universitetində və buna əlavə olaraq bir nəfər idari əməkdaşımız da İsveçin KTH Royal Texniki Universitetində mübadilə imkanı qazanmışdır.
Məlumat üçün qeyd etmək istəyirik ki, yuxarıda adları qeyd olunan proqramda iştirak edən əməkdaş universitetlər aşağıdakılardır:
- Tallin Universiteti, Estoniya
- Vilnius Gediminas Texniki Universiteti, Latviya
- Mazariyk Universiteti, Çex Respublikası
- Universidad del Pais Vasco/Euskampus, İspaniya
- Turin Politexnik Universiteti, İtaliya
- Adam Mickievicz Universiteti, Polşa
- Antverp Universiteti, Belçika
- Université Montpellier 3, Paul Valéry, Fransa
- Université Perpignan Via Domitia, Fransa
- Université Montpellier 2, Fransa
Qafqaz Universitetində bakalavr, magistr, doktorontura pillələrində
təhsil alan tələbələr və Qafqaz Universitetinin idari və müəllim heyəti
bu universitetlərdə təqaüdlə təhsil ala bilər və ya qısa müddətli
tədqiqat fəaliyyətlərini həyata keçirə bilərlərlər. Tələbə və
tədqiqatçıların təqaüdü, yol xərcləri, sığorta xərcləri Erasmus-Munds
layihəsi tərəfindən qarşılanmaqdadır. Bu proqramlarda Qafqaz
Universitetinin tələbələri ilə yanaşı digər universitetlərin tələbə və
tədqiqatçıları da iştirak edə bilər.
Məsələ ilə bağlı əlavə məlumat üçün Qafqaz Universiteti Xarici Əlaqələr şöbəsinə müraciət edə bilərsiniz.
Beynəlxalq Əlaqələr Ofisi
Ünvan: Bakı-Sumqayıt Yolu, 16-cı km., AZ0101, Xırdalan, Azərbaycan
e-mail: iro@qu.edu.az
Click here for Google Maps location.
