“ÇAĞ ÖYRƏTİM” 20 İLLİK YUBİLEYİNİ QEYD ETDİ - (FOTOLAR)
Noyabrın 27-də "Gülüstan"
sarayında "Çağ Öyrətim" işlətmələrinin ölkəmizdəki fəaliyyətinin 20
illiyi keçirildi. Tədbirdə təhsil naziri Misir Mərdanov, deputatlar,
diplomatik korpusun nümayəndələri və eləcə də "Çag Öyrətim"
İşlətmələrinə daxil olan liseylərin, Qafqaz Universitetinin məzunları və
media nümayəndələri iştirak edirdilər. Tədbirdə çıxış edən "Çag
Öyrətim" işlətmələrinin prezidenti Ənvər Özərən rəhbərlik etdiyi
şirkətin 20 illik fəaliyyetindən danışdı. Çətin bir zamandan Azərbaycana
gəldiklərini deyən Ənvər Özərən Azərbaycanda təhsilin inkişafına
sərmayələr yatırdıqlarını və prosesin indi də davam etdiyini söylədi.
Çıxış edən təhsil naziri Misir Mərdanov "Çag
Öyrətim" işlətmələrinin Azərbaycan təhsilinə bəxş etdiyi nailiyyətlərdən
danışdı. Nazir çıxısı zamanı bildirdi ki, çətin bir zamanda Azərbaycana
gələrək təhsilə sərmayə qoyub indi sözlə ifadə etməyə çətinlik
çəkdikləri bu nailiyyətləri əldə etdiklərinə görə onlara öz təşəkkürünü
bildirir: "Bu şirkətin fəaliyyəti Azərbaycan təhsilinin inkişafına
xidmət edib. Biz onların fəaliyyətini çox yüksək qiymətləndiririk"Təhsil naziri daha sonra "Çag Öyrətim" işlətmələrində çalışan bir qrup müəllimləri mükafatlandırdı.
"Çag Öyrətim" işlətmələrinin 20 illik fəaliyyətində göstərdikləri fədakarlığa görə müəllimlər xüsusi dost nişanları ilə təltif olundular
http://www.musavat.com/new/Son_x%C9%99b%C9%99r/137980-%E2%80%9C%C3%87A%C4%9E_%C3%96YR%C6%8FT%C4%B0M%E2%80%9D_20_%C4%B0LL%C4%B0K_YUB%C4%B0LEY%C4%B0N%C4%B0_QEYD_ETD%C4%B0_-_%28FOTOLAR%29
FOTOLAR müəllifindir
