Sumqayıt Özəl Türk Liseyində Azərbaycan Dövlət Bayrağı, eləcə də TV və radio işçilərinin peşə bayramı qeyd olunub
Noyabrın 6-da Sumqayıt Özəl Türk Liseyində Azərbaycan Respublikası Dövlət Bayrağı günü və Azərbaycan Respublikası Televiziya və radio işçilərinin peşə bayramına həsr edilmiş tədbir keçirilib. Tədbirdə “Dünya” televiziyasının əməkdaşları da iştirak edib. Tədbirdə liseyin müəllimi Namiq Ağaməmmədov çıxış edərək tədbirin keçirilməsinin məqsədi barədə məlumat verib. Sonra bununla bağlı video filmlər nümayiş olunub. Sonra məktəbdə təşkil edilmiş inşa müsabiqəsinin qalibləri fəxri fərmanlar və hədiyyələrlə mükafatlandırılıblar. Daha sonra televiziya və radio ilə əlaqədar viktorina keçirilib. Viktorinada fəal iştirak edən şagirdlər mükafatlandırılıblar.
Viktorinanın sonunda tədbirdə iştirak edən
Sumqayıt şəhər “Dünya” televiziya kanalının baş redaktoru Qalib Əhmədov
çıxış edərək “Dünya” televiziyasının keçdiyi yol və görüləcək işlər
barədə danışan qonaq, sonra şagirdləri maraqlandıran sualları
cavablandırıb. Şagirdlərin “Dünya”TV-də görmək istədikləri proqramlar və
digər verilişlər haqqındakı təklifləri nəzərə alınacağını və imkan
daxilində təkliflərin öyrəniləcəyini və bu təkliflərin həyata
keçiriləcəyini bildirib.
Sumqayıt Özəl Türk Liseyinin müdiri Ahmet
Çamalan “Dünya” televiziya kanalının baş redaktoru Qalib Əhmədovu və
televiziyanın əməkdaşlarını peşə bayramları münasibətilə təbrik edib və
Q. Əhmədova xatirə hədiyyəsi təqdim edib.