“Dədə Qorqud” Özəl Türk Liseyində məktəb rəhbərlərinin toplantısı keçirilib
Noyabrın 10-də “Dədə Qorqud” Özəl Türk
Liseyində Nizami Rayon İcra Hakimiyyəti başçısının müavini Gülnaz xanım
İsrafilovanın iştirakı ilə rayonda fəaliyyət göstərən orta ümumtəhsil
məktəbləri rəhbərlərinin toplantısı keçirilib. Toplantıda “Dədə
Qorqud” Özəl Türk Liseyinin müdiri Yusuf Duran çıxış edərək liseyin
fəaliyyəti təhsildə əldə etdiyi nailiyyətləri barədə məlumat verib. Y.
Duran bildirib ki, “Çağ” Öyrətim İşlətmələrinin bütün tədris
müəssisələrində olduğu kimi Azərbaycan-Türkiyə özəl liseylərinin “Dədə
Qorqud” Özəl Türk Liseyində də yeni tədris ilindən başlayaraq dərslər
elektron təhsil sistemi ilə keçilir. Bunun üçün liseyə “Ağıllı lövhə”lər
alınaraq şagird və müəllimlərin istifadəsinə verilib. Bu da şagirdlərin
dərsi qavrama qabiliyyətini yüksəltməklə bərabər dərslərin ən müasir
qaydalarla keçilməsində mühüm rol oynayır. Liseydə bu kimi təhsil
yenilikləri mütəmadi olaraq davam edəcək. Ötən tədris ilində
şagirdlərinin Tələbə Qəbulu üzrə Dövlət Komissiyasının ali məktəblərə
qəbulla bağlı keçirdiyi imtahanlarda ən yüksək bal toplayaraq
Azərbaycanın, eləcə də dünyanın bir sıra universitetlərinə qəbul
olunaraq hal-hazırda təhsillərini uğurla davam etdirirlər. Şagirdləri
hər il keçirilən “İnepo-Avrasiya”, Beynəlxalq Türkcə və “Ana dilimizi
sevək, sevdirək” kimi beynəlxalq fənn və layihə olimpiadalarında qızıl,
gümüş və bürünc medallar qazanırlar. Sonra Nizami Rayon İH B-nın müavini
Gülnaz xanım İsrafilova çıxış edərək rayonda təhsilə yüksək diqqət və
qayğı göstərilməsindən və bununda nəticəsində bu sahənin inkişaf
etməsindən danışaraq “Dədə Qorqud” Özəl Türk Liseyinin təhsildə əldə
etdiyi nailiyyətlərdən məmnun olduğunu bildirib. Liseyin pedaqoji
kollektivinə yeni tədris ilində uğurlar arzulayıb.
