Türk dilli xalqların nümayəndələri liseydə
Noyabrın 6-da Türkiyədən, Türkmənistandan,
Qazaxıstandan, Qırğızıstandan, Başqırdıstandan, Özbəkistandan,
Rumınyadan, Bolqarıstandan, Ukraynadan, Moldovadan, Makedoniyadan və
digər bir çox ölkələrdən gəlmiş elm adamları, KİV, ictimai birliklərin,
rəhbərləri, ali təhsil müəssisələrinin müəllimləri Bakı Özəl Türk
Liseyində olublar. Qonaqlar liseyin müdiri Hayrettin Ünverlə görüşüblər.
H. Ünver Türk dilli xalqların nümayəndələrinə liseyin təhsildə əldə
etdiyi nailiyyətləri uğurları barədə ətraflı məlumat verib. Liseydə
tətbiq olunmuş yeni təhsil texnologiyaları və onun əhəmiyyətindən
danışıb. Sonra qonaqlar liseyin sinif otaqlarını, laboratoriyalarını və
kitabxanasını gəzərək məktəbin tədris şəraiti, yeni təhsil
texnologiyalarıdan “Ağıllı lövhə” ilə yaxından tanış olublar. Burada
gördüklərindən məmnun olduqlarını bildirən qonaqlar Azərbaycanda
təhsilin müasir təhsil sisteminə uyğun olaraq inkişaf etdiyini deyiblər.
Bakı Özəl Türk Liseyinin müəllim və şagird kollektivinə təhsildə
uğurlar diləyiblər.