«Müasir Azərbaycan və Çağ Öyrətim»
Azərbaycan Respublikasının müstəqilliyinin və Çağ Öyrətim
İşlətmələrinin 20 illiyinə həsr olunmuş Bilik yarışı qaliblərinin
mükafatlandırılması məqsədilə Araz Kursları Baş İdarəsi tərəfindən
təşkil olunmuş «Müasir Azərbaycan və Çağ Öyrətim» adlı tədbir!
Ümummilli
lider Heydər Əliyevin xeyir-duası ilə fəaliyyətə başlayan “Çağ Öyrəyim”
Şirkəti və ona bağlı Araz Kursları 20 ildir etimada sədaqətlə fəaliyyət
göstərir. Digər sahələrdə olduğu kimi təhsil sahəsində də Azərbaycan
Respublikasının Prezidenti cənab İlahm Əliyevin verdiyi sərəncamlar
əsasında aparılan islahatların nəticəsində Azərbaycan təhsili ilə dünya
təhsili arasında inteqrasiya güclənir, orta məktəblərdə təhsil
günü-gündən inkişaf edir. Belə ki, ali məktəblərə qəbul imtahanlarında
yüksək bal toplayan abituriyentlərin sayı ilbəil artır.
Ali məktəblərə hazırlıq deyərkən 20
ildir ki, ağıla ilk olaraq Araz Kursları gəlir. Azərbaycanda ali
məktəblərə qəbul imtahanları test sistemi ilə keçirilməyə başladığından
təcrübənin az, sistemi öyrənməyə ehtiyacın çox olduğu belə bir dövrdə
Araz Kursları da təhsilə öz köməyini əsirgəmədi.
Fəaliyyətə başladığı ilk gündən təhsil
ictimaiyyətinin diqqətini özünə çəkməyə müvəffəq olan Araz Kursları test
təcrübəsini çox uğurla Azərbaycanda tətbiq edir. 20 il öncə Bakı
şəhərində – cəmi bir kursla bünövrəsi qoyulan Araz Kursları hal-hazırda
respublikamızın 10 müxtəlif şəhər və rayon mərkəzlərində 12 kursla
fəaliyyətini uğurla davam etdirir.
Araz Kursları ali məktəblərə yüksək
səviyyədə hazırlaşmağı hədəfləyən 9, 10 və 11-ci sinif şagirdlərinin,
həmçinin orta məktəb məzunlarının ən çox seçdiyi yoldur. Kurslarımızda
dərslər 12-16 nəfərlik qruplar halında həftədə 3 dəfə olmaqla tədris
olunur. Dərslər orta məktəb dərsliklərinə əsaslanılaraq Tələbə Qəbulu
üzrə Dövlət Komissiyasının elan etdiyi qəbul proqramlarına görə
keçirilir. Tədris prosesi zamanı dinləyicilər təcrübəli müəllimlərin
köməyi ilə həm nəzəri biliklərə yiyələnir, həm bu biliklərin testlər
üzərində tətbiqini qavrayır, həm də test sisteminin digər metodiki
sirlərinə yaxından bələd olurlar.
Ciddi bir tədris prosesinə tabe tutulan
dinləyici-abituriyentlərimiz həftəlik mövzu testləri ilə hər həftənin
sonunda sınağa çəkilir, ay sonunda isə 125 test tapşırığından ibarət
imtahan sualları vasitəsilə çəkdikləri zəhmətin nəticəsini görürlər.
Kurslarımızın məzunları 20 ildə 46 dəfə
ən yüksək nəticə əldə etmiş, 113 məzunumuz prezident təqaüdünə layiq
görülmüş, ümumilikdə 1235 nəfəri isə 600-dən yuxarı bal toplamışdır.
Həmçinin onu da fəxrlə qeyd edə bilərik ki, kurslarımızda ali məktəblərə
hazırlaşmış 8 dinləyicimiz maksimum nəticə göstərərək 700 bal
toplamışdır. Ümid edirik ki, bu gənclər gələcəkdə Azərbaycan üçün
layiqli vətəndaş olacaq, Azərbaycanın xoşbəxt gələcəyinə gedən yolda öz
yerlərini ön sıralarda tutacaqlar.
Araz Kurslarının abituriyentlər və
müəllimlər tərəfindən çox sevilməsində, həmçinin məzunlarının yüksək
uğurlara imza atmasında bir pay da onun nəşrlərinə düşür. Araz
Yayınlarının məhsulu olan bu nəşrlər, əsasən, iki vəzifəni yerinə
yetirir. Dərs vəsaitləri dinləyiciləri qəbul proqramına uyğun yığcam,
ancaq sistemli və sanballı şəkildə mövzularla tanış edir. Test bankları
isə abituriyentlərə test vərdişlərinin aşılanmasında böyük yardım
göstərir. Vəsaitlərimiz respublikamızın bütün – həm Azərbaycan, həm da
rus bölməsi abituriyentləri üçün nəzərdə tutulmuşdur.
Araz Kursları respublikamızın təhsil
ictimaiyyətini, həmçinin yuxarı sinif şagirdlərini, daim yenilikləri ilə
də sevindirir. 2011-2012-ci tədris ilində başlayaraq kurslarımızda yeni
– “Video Həllər” layihəsinin əsası qoyulmuşdur. Artıq Araz Kurslarının
aylıq sınaq imtahanlarında iştirak edən abituriyentlər imtahanlarda
istifadə olunan test tapşırıqlarının həlli və şifahi izahı ilə heç kimin
köməyi olmadan imtahandan cəmi iki saaat sonra tanış ola bilirlər.
Araz Kursları dörd il bundan əvvəl yeni
bir layihəyə start vermişdir. Respublika səviyyəsində 8 və 9-cu sinif
şagirdləri arasında ən güclülərini ortaya çıxarmaq, onları ictimaiyətə
tanıtmaq məqsədilə kurslarımız 2008-ci ildən etibarən hər il “Bilik
yarışı” təşkil edir. Bu ilki yarışımız “Çağ” Öyrətim İşlətmələrinin 20
illiyinə həsr olunmuş və “Müasir Azərbaycan və Çağ Öyrətim” adı altında
keçirilmişdir. Bu yarışda 3242-i 8, 4981-i isə 9-cu sinif olmaqla 8223
şagird öz biliyini nümayiş etdirmişdir. Onlardan hər qrup üzrə yüksək
bal toplayanlar hər bir bölgədə olan Araz Kurslarının keçirdiyi tədbirdə
mükafatlandırılmışlar.
Bu günkü tədbirdə biz həmin şagirdlərdən 8-ci
siniflər üzrə yüksək nəticə əldə etmiş 20 və 9-cu siniflər üzrə yüksək
nəticə göstərimiş 20 nəfər şagirdi dəvət etmişik. Biz əvvəla bu
şagirdlərin məktəb direktorlarını, onların orta məktəb müəllimlərini,
valideynlərini təbrik edirik. Qazanılmış qələbədə ən böyük pay, sözsüz
ki, onlarındır. Arzu edirik ki, bu 52 nəfər gənc Azərbaycanın xoşbəxt
gələcəyinə doğru aparan yolda ön sıralarda olsun. Onların
nailiyyətlərinə sevinmək, yeni qələbələrə ruhlandırmaq hər birimizin
mənəvi borcudur. Biz bu yolda üzərimizə düşən vəzifələri yerinə
yetirməyə hazırıq və bundan sonra da belə layihələrlə təhsil
ictimaiyətini sevindərəcəyik.
Tədbirə gələn məktəb direktorlarına və qalib olmuş şagirdlərə təşəkkür edirik.
Araz Kursları Baş İdarə rəisi
İrfan Uzundemir
