BAKIDA 9-CU ANA DİLİ MÜSABİQƏSİ KEÇİRİLDİ (FOTOLAR)
Fevralın 17-də Akademik Milli Dram Teatrında “Çağ”
Öyrətim İşlətmələri və Təhsil Nazirliyinin birgə təşkilatçılığı ilə
9-cu “Ana dilimizi sevək, sevdirək” müsabiqəsinin finalına həsr olunmuş
xüsusi tədbir keçirildi. Tədbiri giriş sözü ilə açan “Çağ” Öyrətim
İşlətmələri Azərbaycan-Türkiyə Özəl Liseyləri Baş İdarəsinin rəisi Arif
Gömleksiz artıq 9 ildir keçirilən yarışmanın önəmi haqqında zala
toplaşanlara məlumat verdi.
O, bildirdi ki, Azərbaycan dilinin
qramatikası, mahnı, şer və internet saytı hazırlanmasından ibarət olan
nominasiyalarda finala qalan yarışmaçılar münsiflər heyəti önündə son
çıxışlarını edəcəklər”.
Tədbidə
münsiflər heyəti qismində isə professor Akif Hüseynli, filologiya
elmləri doktoru İslam Hüseynov, xalq artisti Nurəddin Mehdixanlı,
əməkdar artist Lalə Məmmədova, gənc müğənni Ayaz Qasımov, şairə Sevinc
Şirin və şair Ramiz Qusarçaylı əyləşmişdilər. Tədbirdə dövlət rəsmiləri,
millət vəkilləri, xarici qonaqlar da iştirak edirdilər.
Qeyd edək ki, doqquzuncusu keçirilən yarışma bu dəfə yaxşı təşkil
olunmamışdı. Təşkilatçıların yeri nəzərə almaması onlarla tamaşaçının
yarışmanı ayaq üstə izləməsinə səbəb oldu. Üstəlik ən böyük sayğısızlıq
çəkiliş aparmaq üçün xüsusi dəvət olunan jurnalistlərə edildi. Xüsusi
dəvətlə törənə çağrılan qəzet və xəbər agentliklərinin rəhbərləri onlara
qarşı kobud münasibətə etiraz edərək zalı tərk etməli oldular. Bundan
sonra tədbir təşkilatçıları, fotoreportyorların işinə mane olmağa
başladı. “Yeni Müsavat” qəzetinin çəkiliş qrupu da daxil olmaqla bir
neçə reportyor inzibatçıların bu hörmətsizliyinə etiraz edərək
reportajlarını dayandıraraq zalı tərk etməli oldular.
Fərahim İLQAROĞLU
Fotolar müəllifindirhttp://www.musavat.com/new/Son_x%C9%99b%C9%99r/118110-BAKIDA_9-CU_ANA_D%C4%B0L%C4%B0_M%C3%9CSAB%C4%B0Q%C6%8FS%C4%B0_KE%C3%87%C4%B0R%C4%B0LD%C4%B0_%28FOTOLAR%29
