“Hüquq Elminin Aktual Problemləri” adlı 3-cü beynəlxalq elmi praktiki konfrans 4-6 May 2012-ci il tarixlərində Türkiyə Respublikasının Samsun şəhərində keçiriləcəkdir.
HÜQUQ ELMİNİN AKTUAL PROBLEMLƏRİ
3-CÜ BEYNƏLXALQ KONFRANS
4 – 6 MAY 2012 / SAMSUN –TÜRKIYƏ
BİLDİRİŞ:
“Hüquq Elminin Aktual Problemləri”
adlı 3-cü beynəlxalq elmi praktiki konfrans Bakı Dövlət Universiteti,
Ondokuz Mayıs Universitetinin və Qafqaz Universitetinin əməkdaşlığı ilə
4-6 May 2012-ci il tarixlərində Türkiyə Respublikasının Samsun şəhərində
keçiriləcəkdir.
MƏQSƏDİ:
Texnologiyanın təsiri ilə dəyişən və
inkişaf edən cəmiyyətin ehtiyaclarına cavab vermək üçün hüquq elmi də
dəyişir və inkişaf edir. Bu dəyişmə və inkişaf prosesində qəbul edilən
yeni qanunlar yeni problemlər meydana gətirdiyi kimi, əvvəllər tətbiq
edilən qanunların isə yeni ehtiyaclara cavab vermədiyi müşahidə olunur.
Bütün bunlar həm ümumi, həm də xüsusi hüquq sahəsində yeni-aktual hüquqi
problemlərin meydana gəlməsinə səbəb olur.
Konfransın əsas məqsədi, qeyd edilən
hüquqi problemlərin həll üçün irəli sürülən elmi təklifləri müzakirə
edərək, texnologiya və iş dünyasının inkişafı səbəbi ilə ümumi və xüsusi
hüquqda meydana gələn problemlərin həll yollarını təsbit etmək və bu
sahədə mövcud olan beynəlxalq praktikanı bölüşməkdir.
MÖVZULAR:
1. Ümumi Hüququn Aktual Problemləri:
1.1. Konstitusiya Hüququnun Aktual Problemləri
1.2. Cinayət Hüququnun və Cinayət Prosesinin Aktual Problemləri
1.3. Beynəlxalq Hüququn Aktual Problemləri
1.4. Devlet ve Hüquq Nazariyyesi Problemləri
2. Xüsusi Hüququn Aktual Problemləri: 2.1. Mülki Hüququnun Aktual Problemləri
2.2. Öhdəliklər Hüququnun Aktual Problemləri
2.3. Ticarət Hüququnun Aktual Problemləri
2.4. Mülki Prosessual Hüququn və İcra-İflas Hüququn Aktual Problemləri
2.5. Əmək Hüququ Problemləri
TƏQVİM:
Məqalələrin ən son göndərilmə tarixi: 01.03.2012
Qəbul edilən mətnlər barədə məlumatın verilmə tarixi: 01.04.2012
Konfrans tarixi: 4.05.2012 – 6.05.2012
MƏQALƏNİN YAZILMA QAYDALARI
Məqalələrdə problemlər əks etdirilməli və onun həll yolları göstərilməlidir.Məqalədə onun adı, müəllifin (və ya müəlliflərin) adı və soyadı, (varsa) elmi dərəcəsi, vəzifəsi və iş yeri göstərilməlidir.
Məqalə Azərbaycan dilində, Türk dilində və İngilis dilində yazıla bilər.
Məqalənin həcmi 15 (A4), xülasəsi isə, 1 (A4) səhifədən çox olmamalıdır.
Məqalə və xülasə 12 punto ilə Times New Roman və ya Arial formatında yazılmalı, kənarlarından, yuxarıdan və aşağıdan 25 mm boş yer qoyulmalıdır.
Məqaləyə Azərbaycan dilində, Türk dilində və İngilis dilində yazılmış xülasə əlavə edilməlidir.
Məqalə və xülasəsi elektron formatda 01 Mart 2012-ci il tarixinə qədər samsunhukukkongre@hotmail.com e-mail adresinə göndərilməlidir.
Hər iştirakçı ən çox 1 (bir) məqalə təqdim edə bilər.
Konfransda məruzə ediləcək məqalələr Elmi Şuranın qiymətləndirilməsi ilə müəyyənləşdiriləcəkdir.
Göndərilən məqalələr qəbul edilib edilmədiyindən asılı olmayaraq geriyə qaytarılmayacaq.
KONFRANSIN HƏMSƏDRLƏRİ
Akademik Abel MƏHƏRRƏMOV - Bakı Dövlət Universiteti Rektoru
Prof.Dr. Hüseyin AKAN – Ondokuz Mayıs Universiteti Rektoru
Prof.Dr. Ahmet SANİÇ – Qafqaz Universiteti Rektoru
ƏLAQƏ
Dos. Dr. Erdal ABDULHAKIMOĞULLARI – Konfransın Məsul Katibi
Samsun Ondokuz Mayıs Üniversiteti Ali Fuad Başgil Hüquq Fakültəsi dekan müavini
Dos.Dr. Sərvər SÜLEYMANLI – Konfransın Məsul Katibi
Bakı Dövlət Universiteti Hüquq Fakültəsi dekan müavini
Email: ssuleymanli@bsu.az www.bsu.az
Dos. Dr. Mübariz YOLÇİYEV – Konfransın Məsul Katibi
Qafqaz Üniversiteti İqtisadiyyatın Hüquqi Tənzimlənməsi bölmə müdiri
Email: myolcuyev@qu.edu.az www.qu.edu.az
Not: Konfransa gediş-gəliş xərcləri ilə, qonaq evi xərcləri iştirakçı tərəfindən ödəniləcəkdir.
