"Neft gəlirləri və Azərbaycan İqtisadiyyatı"adlı panel təşkil olundu
25 February, 2012
Dünən Qafqaz Universiteti Dünya
İqtisadiyyatı kafedrasının müdiri, tərbiyə işləri üzrə dekan
müavini Dos. Altay İsmayılov və İqtisadi-Sosial İnkişaf Mərkəzinin
(İSİM) direktoru Dr. Vüqar Bayramov Qafqaz Universitetində"Neft gəlirləri və Azərbaycan İqtisadiyyatı" adlı seminarda məruzə ilə çıxış etdilər.
Qafqaz Universiteti Sosial İqtisadi Tədqiqatlar Mərkəzinin müdiri
Sənnur Əliyev seminarda açılış nitqini söylədikdən sonra İqtisadi-Sosial
İnkişaf Mərkəzinin (İSİM) direktoru Dr. Vüqar Bayramovu məruzə ilə
çıxış etməsi üçün kürsüyə dəvət etdi. Dr. Vüqar Bayramov çıxışında qeyd
etdi ki, əvvəllər Azərbaycan iqtisadiyyatının neft ilə əlaqəsi yanı
neftdən olan asılılığı daha çox idi amma bu asılılıq get gedə azalmağa
başlayıb. Vüqar müəllim xüsusilə qeyd etdi ki, əgər iqtisadi resurs qısa
müddətli maraqların ödənilməsi üçün istifadə edilirsə, o zaman resursun
yaratdığı fayda tezliklə itə bilər. Məhz bu səbəbdən də resurs uzun
müddətli istifadə maraqları qarşılamaq üçün məntiqli və ağıllı şəkildə
istifadə edildiyi zaman, neftə sahib olmaq çox böyük faydalar gətirə
bilər. Bu gün dünya bazarında neftin qiyməti günü gündən artır.
Brent markalı neftin qiyməti artdıqca Azərbaycan neftinin də qiyməti
artır. Dünya bazarında neftin qiymətinin artması Azərbaycanda bütün
hallarda neft gəlirlərinin artmasına səbəb olur. Nəzərə alsaq ki,
Azərbaycan ildə bir milyon barel neft ixrac edir və satılan neftin 80 %
gəliri Azərbaycan hökumətinə çatır, bu, o deməkdir ki, Azərbaycanın neft
gəlirləri böyük həcmdə artır. Hətta neftin barelinin 1 dollar artması
belə 800 min dollar gəlir deməkdir. Çünki neftin qiymətinin artması
dünya bazarında digər malların da qiymətinin artmasını şərtləndirir.
Azərbaycana ixrac edilən malların qiymətinin artmasına səbəb olur. Bu da
öz növbəsində inflyasiyanın artmasına gətirib çıxarır.
Daha sonra kürsüyə çıxış etməsi üçün Qafqaz Universiteti Dünya
İqtisadiyyatı kafedrasının müdiri, Dos. Altay İsmayılov dəvət olundu.
Altay müəllim də neft gəlirlərində əldə edilən pullardan və onların
xərclənmə siyasətində danışdı. Seminarın sonunda Qafqaz Universitetinin
prorektoru Dos. Dr. Cihan Bulut qonağa hədiyyələr təqdim etdi və xatirə
şəkli çəkildi.
Xəbəri hazırladı Qafqaz Universiteti Sosial İqtisadi Tədqiqatlar Mərkəzi
http://serc.qu.edu.az/view_news.php?news=1886&link=&lang=az
