Qafqaz Universiteti “Tərcüməşünaslıq və onun müasir dövrdə rolu” adlı V Respublika tələbə elmi-praktik konfransına ev sahibliyi edəcək.

Bu barədə Gün.Az-a universitetin mətbuat xidmətindən məlumat verilib.

Qeyd olunub ki, ulu öndər Heydər Əliyevin anadan olmasının 89-cu ildönümünə həsr olunan tədbir mayın 7-də baş tutacaq.

Konfransın işi Tərcümə nəzəriyyəsi və problemləri; Tərcümə tarixi və praktikası; İctimai dilçilik və dil siyasəti sahəsində tərcümənin rolu; Ədəbi tərcümə və onun problemləri; Mədəniyyətşünaslıq və sivilizasiyalararası dialoq sahəsində tərcümənin rolu istiqamətləri üzrə aparılacaq.

İşçi dilləri Azərbaycan, rus, ingilis, türk və ərəb dilləri olacaq konfrans materiallarının nəşri nəzərdə tutulub.

Konfransda iştirak etmək üçün məruzə və məruzənin xülasəsi aprelin 15-dək Qafqaz Universitetinə təqdim edilməlidir.

Tələblərə görə, məruzələrdə yenilik, elmi səmərəlilik və problemin həllinə kömək edəcək faydalı təkliflər olmalıdır. Konfransda dinləniləcək məruzələr yekun iclasında elmi heyət tərəfindən dəyərləndiriləcək.

Rüfət Əhmədzadə
Gün.Az

URL: http://www.gun.az/social/30182

Qafqaz Universitetində gələcək tərcüməçilər üçün ümumrespublika konfransı keçirilir

Şrift ölçüsü 21 Fevral [11:53] - Sosial