Təhsil işçiləri liseydə “Ağıllı Lövhə” ilə yaxından tanış olublar
Oktyabrın 30-da Oğuz Rayon Təhsil şöbəsinin müdiri Elçin Kərimov, müavinləri Nəsimi Adıyev, metodkabinə müdiri Nəsimi Zahidov, Oğuz Rayon Azad Həmkarlar Təşkilatının sədri Telman Mustafayev, eləcə də təhsil şöbəsinin digər əməkdaşları və rayonun bir çox məktəb direktorları Şəki Azərbaycan-Türkiyə Özəl Liseyinə gələrək “Ağıllı Lövhə” ilə yaxından tanış olublar. Liseyin müdiri Ömer Faruk İmat qonaqlara yeni təhsil texnologiyaları, xüsusilə də “Ağıllı Lövhə” və onun əhəmiyyəti haqqında ətraflı məlumat verib. O, bildirib ki, bu ildən başlayaraq şagirdlərin dərsi qavrama fəallığını daha da artırmağa imkan verəcək interaktiv elektron lövhələrin istifadə edilməsinə başlanılmışdır. 14 ədəd elektron lövhə alınaraq sinif otaqlarında quraşdırılmışdır.
Sonra qonaqlar liseyin sinif otaqlarını
gəzərək dərs prosesini izləmiş və interaktiv lövhələrlərdən istifadə
qaydaları ilə tanış olublar. Liseydə tətbiq olunan bu yeni təhsil
texnologiyalarının şagirdlərin daha yaxşı oxumasında xüsusilə də
dərslərini daha yaxşı qavramasında mühüm əhəmiyyəti olacağına əmin
olduqlarını bildiriblər. Bunun digər təhsil müəssisələrində də tətbiq
olunmasını arzulayıblar. Liseydə şagirdlər üçün hazırlanmış şəraitdən və
onların nizam-intizamından məmnun olduqlarını bildirən qonaqlar Şəki
Azərbaycan-Türkiyə Özəl Liseyinin kollektivinə təhsildə uğurlar
arzulayıblar.
