Qafqaz Universitetində Nizami Gəncəvinin 870 illik yubileyi ilə bağlı tədbir keçirilmişdir.
3 Oktyabr 2012 ci il tarixində Qafqaz
Universitetində böyük şərq mütəffəkiri, dahi Azərbaycan şairi Nizami
Gəncəvinin anadan olmasının 870 illik yubileyi ilə bağlı tədbir
keçirilmişdir.
Universitetin tələbə və professor-müəllim heyəti, eyni zamanda, dəvət olunmuş qonaqlar bu tədbirdə iştirak edirdilər.
Tədbirdə Nizami Gəncəvinin böyüklüyü, onun ideya-estetik zövqü, şərq ədəbiyyatında mövqeyi və s. barədə çıxışlar edildi.
Açılış sözü ilə çıxış edən Qafqaz Universitetinin Azərbaycan dili və
Ədəbiyyatı müəllimliyi bölməsinin müdiri prof. Akif Hüseynli Nizami
Gəncəvi yaradıcılığından geniş söz açaraq tələbələrə məlumat verdi.
Professor Akif Hüseynli bildirdi ki, Nizami Gəncəvi tək Azərbaycanın
deyil, o eyni zamanda dünya şairidir.
Daha sonra isə söz məruzəçilərə verildi.Çıxış edənlər sırasında AMEA-nın aparıcı elmi işçisi filologiya üzrə
fəlsəfə doktoru Siracəddin Hacı, AMEA-nın Folklor İnstitutunun şöbə
müdiri filologiya üzrə fəlsəfə doktoru Ağaverdi Xəlil, Qafqaz
Universitetinin Azərbaycan dili və Ədəbiyyatı müəllimliyi bölməsinin II
kurs magistr tələbəsi Aygün Əliyeva Nizami irsinin müxtəlif
istiqamətlərində fikirlər söylədilər. Sonda natiqlər tələbələri maraqlandıran sualları cavablandırdılar.
Qafqaz Universiteti Mətbuat xidməti.http://qu.edu.az/view_news.php?news=2549&link=224&lang=az