QAFQAZ UNİVERSİTETİ PEDAGOJİ FAKÜLTƏSİ II BEYNƏLXALQ TÜRK XALQLARI UŞAQ ƏDƏBİYYATI KONQRESİ KEÇİRİLƏCƏK
11-13 oktyabr
2012-ci il tarıxındə Qafqaz Universitetində 2008-ci ildə keçirdiyi "Türk
Xalqları Uşaq Ədəbiyyatı" adlı beynəlxalq konqresin ikincisi təşkil olunacaq.
Bu konqres
Azərbaycan Respublikası Təhsil Nazirliyi, Çağ Öyrətim İşlətmələri Qafqaz
Universiteti, Azərbaycan Yazıçılar Birliyi, Türkiyə Yazarlar Birliğinin
həmsədrliyi ilə təşkil olunmuşdur.
2008-ci
ildə təşkil olunmuş konqresdə 8 ayrı ölkədən 58 Universitetin elm adamları,
uşaq ədəbiyyatı yazıçıları, şairləri, uşaq jurnallarının redaktorları, müxtəlif
nəşriyyat evlərinin rəhbərləri iştirak etmişdilər. Konqres ərəfəsində uşaq
ədəbiyyatı şair və yazıçıları bəzi məktəbləri ziyarət edərək şagirdlərlə
görüşmüşlər. Eyni zamanda müxtəlif ölkələrdən gələn elm adamları yerli
televiziya kanallarında çıxış edərək bu konqresin əhəmiyyətindən bəhs etmişlər.
Konqresin materiallar kitabının birincisi dərc olunaraq konqresdən əvvəl iştirakçılara verilmişdir.
- I Beynəlxalq Uşaq Ədəbiyyatı Konqresinin yekun bəyanatında qeyd olunduğu kimi bu konqresin əsas məqsədi: milli, mənəvi, mədəni dəyərlər və millətlərin gələcəyi baxımından həyatın bütün mərhələlərində böyük əhəmiyyət kəsb edən uşaqların təlimində və xarakterlərinin formalaşmasında əvəzsiz rol oynayan Uşaq ədəbiyyatına diqqəti cəlb etmək;
- Mövzu ilə əlaqədar Türk xalqlarının klassik və çağdaş əsərlərini tanıtmaq;
- Türk xalqları arasında bu günə qədər görülmüş işlərin təbliğinə, inkişafına, ortaq bir müstəviyə daşınmasına nail olmaq;
- Bu sahədə müştərək cəhətləri müəyyənləşdirmək;
- Yazılmış yeni əsərlər və onların müəlliflərinin tanıdılmasına səy göstərmək, yazıçı və şairləri türk toplumlarının ortaq dəyərlərini əks etdirən əsərlər qələmə almağa təşviq etmək;
- Uşaqlar üçün əsərlər yazmağın çətin və məsuliyyətli bir iş olduğunu təlqin etmək, bu önəmli vəzifə üçün müvafiq təşkilatları səfərbər olmağa dəvət etmək;
- Bundan başqa 2008-ci ildə keçirilmiş konqresin nəticələrini təhlil edərək yeni vəzifə və hədəflər müəyyənləşdirməkdir.
Konqresdə 9 ayrı ölkələrin
nümayəndələri - alimlər, şairlər, yazıçılar və
uşaq jurnallarının redaktorları, eyni zamanda 27 Universitetdən elm
adamları iştirak edəcəklər.
Konqesin
ilk günü açılış tədbirində Universitetin Rektoru Prof.Ahmet Saniç, Azərbaycan
Respublikasının Təhsil Naziri Prof.Misir Mərdanov, Azərbaycan Yazıçılar
Birliyinin Sədri şair Anar, Türkiyə Respublikasının Azərbaycandakı Səfirliyinin
nümayəndəsi və qonaqlar çıxış edəcək, Konqresnin Qızıl Sponsorları- Azərbaycan
Amerika Alyans və Azərsun Holdinq şirkətinə, gümüş sponsorları-Türk İşbirliği
ve Koordinasyon Ajansı Başkanlığına, Ulduz Şokolad fabrikinə, Kaynak kültür
yayın qrubuna və Baksellə plaketlər təqdim olunacaq. Daha sonra Türk Dili və
Ədəbiyyatı Kafedrasının müdiri Prof.Ömer Okumuş bəyin rəhbərliyi ilə Plenar
iclas keçiriləcək. Plenar iclasda Prof.
Dr. Qara Namazov, uşaq ədəbiyyatı
yazıçısı Bestami Yazgan çıxış
edəcək. Daha sonra Firiddun Bəy Köçərli adına Uşaq Kitabxanasnın üzvü
olan uşaqların çıxışı olacaq. Açılış tədbirindən sonra Konqres Bölmə iclasları
ilə davam edəcək.
Konqresin ikinci günü Bölmə
iclaslarında müxtəlif elm adamlarının məqalələri, fikirləri dinləniləcək. Günün
sonunda isə Yekun iclası keçirilərək.
Konqresin üçüncü günü Asiya
ölkələrindən və Türkiyədən gələn elm adamlarına Bakı şəhəri gəzdiriləcək, tarixi
məkanlarla tanışlıq olacaq.
