Qafqazda “Türk Xalqları Uşaq Ədəbiyyatı”
11-13 oktyabr tarixində Qafqaz Universitetində “Türk Xalqları Uşaq
Ədəbiyyatı” adlı II beynəlxalq konqresin ikincisi təşkil olunacaq.
Qafqaz Universitetindən SİA-ya verilən xəbərə görə, bu konqres
Azərbaycan Respublikası Təhsil Nazirliyi, Çağ Öyrətim İşlətmələri,
Qafqaz Universiteti, Azərbaycan Yazıçılar Birliyi, Türkiyə Yazarlar
Birliğinin həmsədrliyi ilə təşkil olunacaq.
Konqresdə Azərbaycan, Türkiyə, Özbəkistan, Qazaxıstan, Qırğızıstan,
Dağıstan, Gürcüstan, Makedoniya kimi ölkələrin nümayəndələri - alimlər,
şairlər, yazıçılar və uşaq jurnallarının redaktorları iştirak
edəcəklər. Konqesin ilk günü açılış tədbirində universitetin rektoru
Ahmet Saniç, təhsil naziri Misir Mərdanov, Azərbaycan Yazıçılar
Birliyinin sədri Anar, Türkiyə Respublikasının Azərbaycandakı
Səfirliyinin nümayəndəsi və qonaqlar çıxış edəcək. Daha sonra Türk Dili
və Ədəbiyyatı Kafedrasının müdiri Prof.Ömer Okumuşun rəhbərliyi ilə
Plenar iclas keçiriləcək. Plenar iclasda Prof. Dr.Qara Namazov, uşaq
ədəbiyyatı yazıçısı Bestami Yazgan çıxış edəcək.
Açılış tədbirindən sonra Konqres Bölmə iclasları ilə davam edəcək.
Konqresin ikinci günü Bölmə iclaslarında müxtəlif elm adamlarının
məqalələri, fikirləri dinləniləcək. Günün sonunda isə yekun iclası
keçirilərək. Konqresin üçüncü günü Asiya ölkələrindən və Türkiyədən
gələn elm adamları Bakı şəhəri ilə tanış olacaqlar.
Könül Kamilqızı
