Qafqaz Universitetində növbəti seminar keçirildi.
Qafqaz Universiteti qurulduğu gündən bu günə
kimi təhsillə yanaşı müxtəlif peşə sahibləri, iş həyatında təcrübə
qazanmış iş adamları, tanınmış alimlər, dövlət adamları və sənət sahibi
olan insanlarla birlikdə aylıq seminarlar keçirir. Məhz belə
seminarlardan biri də DSMF-nin sədri Səlim Müslümovun Qafqaz
Universitetinin tələbələrilə görüşündə baş tutdu.
Universitetin akt
zalında keçirilən seminarı giriş sözü ilə açan Qafqaz Universitetinin
rektoru prof. Ahmet Saniç bildirdi ki, artıq neçə illərdir ki, bu
təhsil ocağında müxtəlif sahələri əks etdirən ənənəvi aylıq seminarlar
keçirilir.
Məqsəd yaxşı təhsillə yanaşı öz peşşəsini sevən və sevdirməyi
bacaran peşəkar mütəxəssislərlə birlikdə tələbələri iş həyatına
professional şəkildə hazırlamaqdır.
Bunun nəticəsi olaraq Qafqaz
Universitetinin qonağı olan Azərbaycan Respublikasının Dövlət Sosial
Müdafiə Fondunun sədri Səlim Müslümov “Azərbaycanda Pensiya Sistemi”
mövzusunda məruzə ilə çıxış etdi və tələbələri maraqlandıran sualları
cavablandırdı. Tədbirin sonunda Qafqaz Universitetinin rektoru prof. Ahmet Saniç qonağa xatirə plaketini təqdim etdi.
Qafqaz Universitetinin Mətbua Xidməti.http://qu.edu.az/view_news.php?news=2555&link=224&lang=az
