“Qafqaz”da Nizamidən söz açıblar
Qafqaz Universitetində dahi Azərbaycan
şairi Nizami Gəncəvinin anadan olmasının 870 illik yubileyi ilə bağlı
tədbir keçirilib.
Tələbə və professor-müəllim heyəti, dəvət olunmuş
qonaqların iştirakı ilə keçirilən tədbirdə Qafqaz Universitetinin
Azərbaycan dili və ədəbiyyatı müəllimliyi bölməsinin müdiri prof.Akif Hüseynli Nizami Gəncəvi yaradıcılığından
ətraflı söz açıb. O Nizami Gəncəvini dünyəvi şair kimi xarakterizə edib.
Onun sözlərinə görə, Nizami bəşəriyyətin bədii söz aləminə “Xəmsə” adlı
xəzinə verməklə milli və bəşəri dəyərlərin tamamilə yeni bir
mənzərəsini sərgiləyib. Onun əsərləri əsrlə tədqiq olunsa da, bu gün də
nizamişünaslıq yeni-yeni mülahizələr söyləyir.
Digər çıxış edənlər -
AMEA-nın aparıcı elmi işçisi, filologiya üzrə fəlsəfə doktoru Siracəddin
Hacı, AMEA-nın Folklor İnstitutunun şöbə müdiri, filologiya üzrə
fəlsəfə doktoru Ağaverdi Xəlil və başqaları Nizami irsinin
əhəmiyyətindən söz açıblar. Gülər Rəsul
