Mingəçevir Özəl Türk Liseyində müəllimlərin peşə bayramı qeyd edilib
5 Oktyabr Beynəlxalq Müəllimlər Günü
münasibətilə Mingəçevir Özəl Türk Liseyində tədbir keçirilib. Tədbirdə
Liseyin müdiri Həsən Həsənov çıxış edərək müəllimləri peşə bayramları
münasibətilə təbrik edib. Sonra məktəbdə tətbiq olunan yeni təhsil
texnologiyaları “Ağıllı löhvə” elektron təhsil sistemi və şagirdlərinin
ötən tədris ilində təhsildə əldə etdiyi nailiyyətləri uğurları barədə
məlumat verib. Liseydə bu yeniliklərin mütəmadi olaraq davam
tdiriləcəyini bildirib.
Sonra tədbirdə iştirak edən Mingəçevir
Şəhər İcra Hakimiyyətinin İctimai – Siyasi və Humanitar Məsələlər
Şöbəsinin müdiri Ramiz Əliyevə çıxış edib. R. Əliyev çıxışında
Azərbaycan-Türkiyə Özəl Liseylərinin Mingəçevir Özəl Türk Liseyinin
fəaliyyətindən və burada şagirdlər üçün hazırlanmış şəraitdən, onların
nizam-intizamından məmnun olduğunu və bu liseyə yüksək rəğbətlə
yanaşdığını bildirib. Öz övladınında bir vaxtlar bu liseyin məzunu
olduğunu hal-hazırda Türkiyədə həkim işlədiyini xüsusilə qeyd edib.
Ramiz Əliyev çıxışının sonunda liseyin kollektivini 5 Oktyabr Beynəlxalq
Müəllimlər Günü münasibətilə təbrik edib və onlara təhsildə uğurlar
diləyib. Daha sonra Mingəçevir Şəhər Təhsil Şöbəsinin müdiri Nazir
Sultanov çıxış edərək Mingəçevir Özəl Türk Liseyində tətbiq olunan yeni
təhsil texnologiyalarından, şagirdlərinin əldə etdiyi nailiyyətlərindən,
onların nizam-intizamından məmnun olduğunu bildirib. Liseyin yeni
tədris ilində də yüksək uğurlara imza atacağına əmin olduğunu deyib və
bundan sonrakı fəaliyyətlərində uğurlar arzulayıb.
Sonra liseyin müdiri Həsən Həsənov
Mingəçevir Şəhər İcra Hakimiyyətinin İctimai – Siyasi və Humanitar
Məsələlər Şöbəsinin müdiri Ramiz Əliyevə, Mingəçevir Şəhər Təhsil
Şöbəsinin müdiri Nazir Sultanova, Metot Mərkəz Kabinetinin direktoru
Solmaz Cəfərova və Metodist Validə Əlizadəyə xatirə hədiyyələri təqdim
edib.
Tədbirin sonunda qonaqlar liseyin sinif
otaqları, laboratoriyaları, kitabxanası və yeni təhsil texnologiyaları
ilə yaxından tanış olublar. Sonra tədbir qonaqlar üçün hazırlanmış
ziyafətlə davam edib.
