Şəki Azərbaycan-Türkiyə Özəl Liseyində “Ağıllı lövhə”nin tətbiqi ilə bağlı tədbir keçirilib
Oktyabrın 4-də Şəki Azərbaycan-Türkiyə
Özəl Liseyində Şəki Şəhər İcra Hakimiyyəti Başçısının müavini,
İctimai-siyasi və hümanitar məsələlər şöbəsinin müdiri Zərinə xanım
Cavadovanın və mərkəzi ofisi Şəkidə yerləşən “Kanal S” regional
kanalının əməkdaşlarının iştirakı ilə yeni təhsil texnologiyalarından
“Ağıllı Löhvə”nin və elektron məktəb sisteminin təqdimat mərasimi
keçirildi.
Tədbirdə çıxış edən Şəki ATÖL-nin müdiri Ömer Faruk İmat
əvvəlcə liseydə tətbiq olunan yeni təhsil texnologiyaları, xüsusilə də
“Ağıllı löhvə” və onun əhəmiyyəti haqqında ətraflı məlumat verib. O
bildirdi ki, bu ildən başlayaraq şagirdlərin dərsi qavrama fəallığını
daha da artırmağa imkan verəcək interaktiv elektron lövhələrin istifadə
edilməsinə başlanılmışdır. 14 ədəd elektron lövhə alınaraq sinif
otaqlarında quraşdırılmışdır.
Zərinə xanım Cavadova Şəki Özəl Türk
Liseyinin sinif otaqları ilə, dərs prosesi ilə, liseydə şagirdlərə
göstərilən kommunal, iaşə xidmətləri ilə, xüsusi ilə yataqxana binası
ilə tanış oldu. Liseyin müdiri Ömer Faruk İmat, qonağa liseyin təlim və
tərbiyyə metodları ilə bağlı geniş məlumat verərək, şagirdlərin
respublika və beynəlxalq olimpiadalarda qazandıqları uğurlardan danışdı.
Liseydə şagirdlər üçün təşkil olunmuş
şəraitdən və dərs prosesindən çox razı qaldığını bildirən Zərinə xanım
liseyin bütün kollektivinə öz dərin təşəkkürünü bildirib, yeni dərs
ilində onlara uğurlar diləyib. Qonaq sonda liseyin xatirə dəftərinə öz
ürək sözlərini yazdı.
