Bizə qoşulun- Xəyalları reallığa çevirin!
Qafqaz
universitetinin tələbəsi adını qazanan tələbələri Universitetin sosial
həyatı, onun mədəni fəallığı ilə tanış etmək məqsədilə Mədəniyyət və
İdman İdarəsi tərəfindən tanıtım mərasimi keçirildi.
Mədəniyyət
şöbəsinin müdiri dr. Zəminə Axundova gənc nəslin təlim-tərbiyəsində, elm
və təhsilində, mütəxəssislərin hazırlanmasında bütün təhsil ocaqlarına
örnək olan Qafqaz Universitetinin uğurlarının məhz tələbələrin
mənəvi-əxlaqi fəallığı nəticəsində qazanıldığını diqqətə çatdırdı:
“Universitetimizdə tələbələrin sosial-ictimai, mədəni, fiziki, elmi,
araşdırma, tarix və incəsənət təmayüllü maraqlarını qarşılamaq üçün 18
klub və 4 özfəaliyyət dərnəyi fəaliyyət göstərir. Bu klublar maraq
sahələri üzrə il boyu gərgin fəaliyyət göstərirlər. Elə bunun təbii
nəticəsidir ki, bu klublara üzv olan tələbələrimiz hərtərəfli inkişaf
edir və özlərini iş həyatına hazırlayırlar. Yeni tədris ili bir də ona
görə əlamətdardır ki, biz, bu ildən etibarən “İlin klubu” və “İlin klub
məsləhətçisi” nominasiyasına start vermiş və ötən tədris ilinin ən fəal
klubu mükafatına “Oguz klubu”, “İlin klub məsləhətçisi” mükafatına
biznesin idarəedilməsi fakültəsinin baş müəllimi Dr. Rasim Abutalıbov
layiq görülmüşlər”.
Mərasimdə
özfəaliyyət dərnəkləri və maraq klublarının son beş ildəki fəaliyyətinə
həsr olunan arxiv materialları əsasında hazırlanmış slayd-şou nümayiş
olundu. Dərnək, klub və kursların fəaliyyəti ilə daha yaxından tanış
olmaq üçün sosial fəaliyyətdə daha fəal olan tələbələrin çıxışları
dinlənildi.
Özfəaliyyət
kollektivlərinin hazırladığı konsertlə davam edən tanıtım mərasimi daha
yaxşı dünya qurmaq və xəyallarını reallaşdırmaq arzusuyla üzvülük
ankeklərini dolduran tələbələrin alqışları ilə yekunlaşdı.
