Müstəqil Azərbaycanın milli sərvəti-Aşıq sənəti
Milli dövlətçilik və milli-mənəvi dəyərlər sıx daxili vəhdətdədir.
Azərbaycan Respublikasının Müstəqilliyinin bərpasının 21-ci ildönümü
münasibətilə Qafqaz Universiteti Azərbaycan dili və ədəbiyyatı
müəllimliyi bölümünün və Mədəniyyət şöbəsi Ədəbiyyat klubunun təşkil
etdiyi “Müstəqil Azərbaycanın milli sərvəti-Aşıq sənəti” adlı
ədəbi-bədii gecədə mənəvi sərvətimiz olan aşıq sənəti təkcə milli
varlığımızın yox, həm də siyasi varlığımızın - dövlət quruculuğu işinin
mühüm atributu kimi dəyərləndirirdi.
Aşıq
sənətinin milli və bəşəri mahiyyəti haqqında çıxş edən filologiya
elmləri doktoru, professor Məhərrəm Qasımlı tariximizə canlı şahidlik
edən aşıq sənətinin xalqımızın qədimliyini, zəngin keçmişini göstərməklə
yanaşı, bu günkü müstəqilliyini də bütün dünyaya tanıtdığını
vurğuladı.
Azərbaycançılıq ruhunun aşılanmasında mühüm rol oynayan aşıq
sənətinə Azərbaycanda dövlət səviyyəsində qayğıdan söhbət açan natiq
sazı türkün ruhu, onun genlə gələn mədəni irsi olaraq təqdim etdi.
Universitetin İngilis dili və Ədəbiyyatı bölümünün hazırlıq kursu
tələbəsi gənc aşıq Nübar Etibar qızı və ədəbi-bədii
gecənin qonaqları “Aşıq Şəmşir Mədəniyyət Ocağı İctimai Birliyi”nin
təmsilçiləri, Aşıq Mehdi Məsimov, “Əməkdar Mədəniyyət İşçisi” Ədalət
Dəlidağ bənzərsiz ifaları ilə aşıq sənətininin bədii
varlığımızda milli ruhu, azərbaycançılığı yaşadan sağlam kök olduğunu
təsdiqlədilər.
