Türklüyün zəfər bayramı
29
oktyabr 1923-cü il Bu tarix Türkün 4000 illik qəhrəmanlıq
salnaməsinin zirvəsidir. Bu Türkiyənin qurtuluşu ilə yanaşı, eyni
zamanda o zamana qədər artıq Sovet Rusiyasının nəzarətinə düşmüş digər
türk ellərinin - Azərbaycanın, Qazaxıstanın, Özbəkistanın,
Qırğızıstanın, Tatarıstanın, Başqırdıstanın, Xakasiyanın, Saxanın,
Qaraçayın, Qaqauz elinin tarix səhnəsində əbədi silinməsi təhlükəsinin
aradan qalxması idi. Bu baxımdan da onun bütün türk ellərində bir zəfər
bayramı kimi, istiqlala təməl olan bir gün kimi qeyd olunması həm
şərəf, həm də 89 il öncə türkün ən yeni tarixinə imza atmış şəhidlərin
haqqını tanımaqdır.
Mədəniyyət şöbəsinin təşkilatçilığı ilə bu münasibətlə hazırlanan
tədbirdə Vətənin istiqlaliyyəti uğrunda canlarından keçən şəhidlər bir
dəqiqəlik sükutla yad edildi. Qafqaz universitetinin xor kollektivi
Türkiyə Respublıkasının Dövlət Himnini canlı ifa etdikdən sonra rektor
dr Ahmet Saniç gənclərı salamlayaraq 29 oktyabr İstiqlal Gününün tarixi
əhəmiyyətindən danışdı. İki dövlətin qardaş ölkə olduğunu deyən natiq bu
günün bütün türk dünyası üçün böyük bayram olduğunu vurğuladı: “Bizim
bundan sonrakı vəzifəmiz Atatürk və Heydər Əliyevin böyük siyasi xəttini
davam etdirərək iki ölkə arasında sıx əlaqələr qurmaqdır”.
Universitetin rəqs kollektivinin ifasında Türkiyə folklorunun
komponentlərindən olan Halay rəqsi alqışlarla müşayiət olundu. Proqramda
səslənən “Türk bayrağı” şeiri və vətənpərvərlik ruhlu mahnılar tarixi
yaddaşa qürurlu bir baxış idi.
