20 Kasım 2013 Çarşamba

Türkiyənin paytaxtı Ankara şəhərində keçiriləcək 3-cü Sənaye Şurasında Qafqaz Universitetinin nümayəndəsi çıxış edəcəkdir

"Yeni Fikir Müsabiqəsi 2014" Layihəsi başlayır.Noyabrın 20-22-də Türkiyənin paytaxtı Ankara şəhərində 3-cü Sənaye Şurası keçiriləcəkdir.

Türkiyə Cümhuriyyəti Elm, Sənaye və Texnoloji Nazirliyi tərəfindən təşkil ediləcək tədbirdə müvafiq qurumların nümayəndələri, nüfuzlu şirkətlərin rəhbərləri, alim və mütəxəssislər iştirak edəcəklər.

Qafqaz Universitetindən AzərTAc-a bildirmişlər ki, bu ali məktəbin Texnoparkının müdiri, dosent İsa Qasımov 3-cü Sənaye Şurasında "Azərbaycanda universitet - iş dünyası əlaqələrinin mövcud vəziyyətinin təhlili" mövzusunda çıxış edəcəkdir.

Dosent İ.Qasımov, eyni zamanda, tədbir çərçivəsində təcrübə mübadiləsi ilə yanaşı, texnoparkların Azərbaycanda inkişaf etdirilməsi üçün səmərəli ola biləcək görüşlərdə olacaqdır.