11 universitetdən 48 komanda


qhtxeber.az//  Bakı Dövlət və Qafqaz Universitetlərinin, “İRƏLİ” İctimai Birliyinin İnformasiya Texnologiyaları Mərkəzinin təşkilati dəstəyi ilə “Universitet Tələbələrinin 38-ci ACM Proqramlaşdırma” beynəlxalq müsabiqəsinin növbəti 1/4 final mərhələsi (IX Azərbaycan Çempionatı) keçirilib. 

qhtxeber.az-ın məlumatına görə, müsabiqədə 11 universitetdən 48 komanda iştirak edib. Nəticələrə əsasən, Qafqaz Universitetinin Baku Qafqaz U 3 komandası I, Baku Qafqaz U 2 komandası II, Moskva Dövlət Universitetinin Bakı filialının Baku MSU1 komandası III yerə layiq görülüb. Baku Qafqaz U 1, Baku Qafqaz U 7 komandaları II dərəcəli diplomlarla, Baku Qafqaz U 4, BSU6, Baku MSU2, Baku Qafqaz U 11, Baku SU-1, Baku Qafqaz U 6 komandaları isə III dərəcəli diplomlarla təltif ediliblər.

Müsabiqənin nəticələrinə əsasən, Qafqaz Universiteti, Moskva Dövlət Universitetinin Bakı filialı, Bakı Dövlət Universiteti, Azərbaycan Texniki Universiteti və Azərbaycan Memarlıq və İnşaat Universitetini təmsil edən 10 komanda 30 noyabr - 1 dekabr 2013-cü il tarixlərində Gürcüstan Respublikasının Tbilisi şəhərində keçiriləcək “Universitet Tələbələrinin 38-ci ACM Proqramlaşdırma” beynəlxalq müsabiqəsinin yarımfinal mərhələsində və Cənubi Qafqaz açıq çempionatında iştirak edəcəklər.
Qeyd edək ki, tədbirdə "İRƏLİ" İctimai Birliyini "İRƏLİ" İnformasiya Texnologiyaları Mərkəzinin meneceri Rüstəm Həsənov təmsil edib.


Xatirə

Nicat Yusifov

Instagram