Şagirdlər beynəlxalq olimpiadadan növbəti medal qazandı
Mayın 19-22 də Türkiyənin İstanbul Fatih
Təhsil Müəssisəsinin təşkil etdiyi 20- ci Beynəlxalq Ətraf Mühitin Mühafizəsi
layihə Olimpiadası (BƏMMLO) keçirilib. Olimpiada Azərbaycanı “Qafqaz”
Azərbaycan – Türkiyə Özəl Gimnaziyasının 10- cu sinif şagirdi Aytac Abbaszadə
və 9- cu sinif şagirdi Nigar Novruzlu təmsil edib.
BƏMMLO –da 52 ölkədən gəlmiş
şagirdlər 125 layihə ilə iştirak ediblər. İngilis dilində keçirilən tədbirin
münsiflər heyətini Cənubi Koreya, İran, Almanya, Slovakiya, Qırğızıstan,
Rusiya, Braziliya və ABŞ –dan gəlmiş mütəxəssislər təşkil edib.
Fatih
Universitetində keçirilən mükafatlandırma mərasimində, ölkəmizi bu olimpiadada
təmsil edən şagirdlər Aytac Abbaszadənin və Nigar Novruzlunun “ Dunaliella
Salina“ yosunundan istifadə edərək alınan hidrogen qazının yanacaq
batareyasına birləşərək elektirik enerjisinə çevrilməsi layihəsi bürünc medala
layiq görülüb.
Qalib şagirdlər Azərbaycanı dünyada beynəlxalq yarışlarda təmsil
etməkdən qürur duyduqlarını bildiriblər.
