Qafqaz Universitetində İbad Huseynovla görüş keçirilib

25 May, 2012,

Qafqaz Universitetinin Mədəniyyət şöbəsi Azərbaycan xalqının qəhrəman oğlu İbad Huseynovun həyatına və döyüş yoluna həsr olunan tədbir keçirilib. SİA-nın xəbərinə görə, tədbirdə cümhuriyyət dövrünə bir daha nəzər salınıb, onun tarixdəki yeri və rolu ətraflı təhlil edilib.

Tədbir çərçivəsində Azərbaycan öz müstəqilliyini bərpa etdikdən sonra erməni təcavüzü və terrorizminə qarşı mübarizə aparan “Azərbaycan Bayrağı” ordenli, Qarabağ müharibəsi iştirakçısı İbad Hüeynovun igidlik və rəşadət yolunu işıqlandıran film nümayiş edilib. Qarabağ müharibəsi veteranı, 1988-ci ildə Xocavənd Özünümüdafiə dəstəsini yaratmış, dəstənin komandiri, İbad Hüseynovun qardaşı, Xocavənd rayon İcra Hakimiyyətinin başçısı Eyvaz Hüseynov çıxışında may ayının tarixi və əlamətdar günləri haqqında danışaraq 28 may İstiqlal tarixini Azərbaycanın ən parlaq və unudulmaz tarixi günlərindən biri kimi dəyərləndirib: “Bu, təkcə milli dövlətçiliyimizin – Azərbaycan Xalq Cümhuriyyətinin özünün başkəndinə qovuşduğu gün deyil, daha geniş mənada götürdükdə, Azərbaycan və Türkiyə qardaşlığının tarix durduqca yaşayacaq möhtəşəm bir xatirəsidir”. 

Torpaqların müdafiəsi uğrunda erməni separatçılarına qarşı aparılan döyüşlərdə dəfələrlə yaralanan İbad Huseynov Oğuz klubu üzvlərinə və tədbir iştirakçılarına minnətdarlığını bildirərək gəncləri ümummilli lider Heydər Əliyevin nəsillərin yolunu işıqlandıran ideyaları ətrafında daha sıx birləşməyə səsləyib.

http://www.sia.az/index.php?action=static_detail&static_id=226186