Mesenat” sənət məbədində

22 May, 2012, Qafqaz Universiteti teatr dərnəyinin həvəskar aktyorlarının ifasında “Mesenat”ın anşlaqla keçən tamaşaları bu dəfə sənət məbədində-Azərbaycan Dövlət Milli Akademik Dram Teatrında tamaşaçıların hərarətli alqışları ilə qarşılandı. 
Tələbə aktyorlar xalqımızın yaddaşında xeyirxah əməlləri ilə dərin izlər buraxan xeyriyyəçi Hacı Zeynalabdin Tağıyevin ibrətamiz xidmətlərini və fəaliyyətini böyük həvəslə və ustalıqla canlandırdılar. 
Tamaşada dostlarının israrlı çağırışlarına baxmayaraq,  nəinki özünün, heç ailə üzvlərinin də Azərbaycandan ayrılmasına imkan verməyən mesenat və ictimai xadim Hacı Zeynalabdinin tamaşaçılara məlum olan əməlləri ilə  yanaşı, onun yeni səciyyəvi cəhətləri təqdim olundu, tamaşaçılara onun yolu ilə getmək, misilsiz xidmətlərindən oyrənmək tövsiyə edildi. 
 Sənətşünaslıq namizədi Zəminə Axundovanın quruluş verdiyi “Mesenat” tamaşasının premyerası Dövlət Gənc Tamaşaçılar Teatrında göstərildikdən sonra Abşeron rayon Mədəniyyət Evində, Nəcəf Bəy Vəzirov adına Lənkəran Dövlət Dram Teatrında teatrsevərlərə təqdim edilib.

Bu blogdaki popüler yayınlar

Azerbaijan - GOV - Azerbaijan to Host an International ICT Conference

Özəl və dövlət ali təhsil məktəbləri arasındakı fərq

VİCDAN SUSTUĞUNDA : Download PDF