Qafqaz Universitetinin bir qrup tələbəsi neft platformasının quruluşu ilə tanış oldular
Qafqaz Universiteti Mühəndislik Fakültəsinin bir qrup müəllim və
tələbə heyəti “AMEC” şirkətini ziyaret etdilər. Ziyarətin əsas məqsədi “AMEC”
şirkətinin hazırda inşa etdiyi platforma ilə tanış olmaq idi. Tələbələr iş
sahəsinə daxil olarkən mühəndislərin iş zamanı geydikləri xüsusi forma ilə təmin
olundular. Bu formalar iş təhlükəsizliyi üçün vacib amillərdən biridir.
Tanışlıq zamanı şirkətin amerikalı layihə rəhbəri tərəfindən
yüksək səviyyədə qarşılanan tələbələr, daha sonra həmin mühəndisin təqdimatında
şirkətin Azərbaycandakı gördüyü işlərlə tanış oldular. Şirkətin iş
təhlükəsizliyi ilə əlaqədar məsul şəxsi tələbələrə platformanı gəzərkən hansı
qaydalara riayət etmələrini izah etdikdən sonra, iki qrup olaraq platformanı
gəzdilər. Platformada layihə rəhbəri tələbələrə, bu platformanın planlaması,
xammalların alınması, inşaatı, bir sözlə mühəndislərin gördükləri işlərlə tanış
etdi. Layihə rəhbəri eyni zamanda tələbələrin maraqlandıran suallara da cavab
verdi.
“AMEC” şirkəti Azərbaycanda neft, qaz və tikinti sektorunda iri
həcmli layihələri həyata keçirməkdədir. Şirkət Azərbaycanda 1997-ci ildən
fəaliyyət göstərir və dünya üzrə illik gəliri 3 milyard dollardır.
Dos. İsa Qasimov
