Heydər Əliyev irsinə yiyələnək, onun fəaliyyətindən örnək götürək!
07 May, 2012,
Bu
gün ənənəvi olaraq Qafqaz Universiteti gənclərinin iştirakı ilə
ümummilli lider Heydər Əliyevin doğum günü ərəfəsində təşkil olunan və
Vətənin gələcəyini tərənnüm edən IV Gənclik Şənliyi keçirildi. Şənlik
müasir müstəqil Azərbaycanın qurucusu Heydər Əliyevin ifasında
“Azərbaycan” şerinin səsləndirilməsi ilə başladı. Bütün ömrünü
Azərbaycanın rifahına həsr etmiş dahinin damarlarda qanı donduran bu
kövrək ifasının ardınca səmaya uçurulan sülh quşları azadlığa qovuşmuş
xalqın simvoluna çevrildi.
Gənclər
və İdman Nazirliyi və Azərbaycan Tələbə Gənclər Təşkilatları
İttifaqının birgə təşkilatçılığı ilə “Tələbə baharı” VI Ümumrespublika
tələbə yaradıcılığı festivalında müxtəlif nominasiyalar üzrə uğur
qazanan, özfəaliyyət kollektivlərinin ifasında bir-birini əvəz edən şən
nəğmələr, rəqslər, şən və hazırcavabların duzlu, məzəli zarafları ilə
müşayət olunan Şənlikdə respublikanın əməkar artisti Tünzalə Ağayeva, Muğam Teatrının solisti Sevinc Sarıyeva, illüzianist
Süleyman, aşıq Ramin Qarayev, "Xalq ulduzu" mahnı müsabiqəsinin
finalçısı Xəlil Qaraçöp, gənclərin sevimlisi İqbal Əliyev də öz
çıxışlarını ərməğan etdilər.
Universitetin
maraq klublarının şənlik boyu göstərdiyi fəaliyyət onların həm də illik
hesabatı idi. Müstəqil yaradıcılıq və fəaliyyət növünü seçmiş klub
üzvlərinin hazırladıqları milli və qardaş xalqların mətbəxindən
nümunələr, türk xalqlarının qədim sənət nümunələri, at sürmə yarışı,
çərpələng uçurtma və s əyləcələr Şənliyə xüsusi ab-hava gətirdi.
“Gənclik
Şənliyi” çərçivəsində 3000-dən çox tələbənin sərbəst səsverməsi
əsasında müxtəlif nominasiyalar üzrə seçilən “İlin adamları”ı elan
edildi. İlin müəllimi - İş Dünyası Əlaqələri üzrə
prorektor Dos.Təyyar Mustafayev və Azərbaycan dili və Ədəbiyyatı
bölməsinin baş müəllimi Rəhman Quliyev, İlin qadın müğənnisi -
Azərbaycan Respublikasının Əməkdar Artisti Tünzalə Ağayeva, Ilin kişi
müğənnisi Azərbaycan Respublikasının Əməkdar Artisti Mənsum İbrahimov,
İlin idman adamı - Azərbaycan Dövlət Neft Şirkətinin prezidenti Rövnəq
Abdullayev, İlin yerli şirkəti NURGUN MOTORS, İlin xarici şirkəti BP
AZƏRBAYCAN, İlin yerli iş adamı - Embawood şirkətinin baş direktoru
Elşad Abbasov, İlin xarici iş adamı - "Azercell Telekom" MMC-in
prezidenti Ali Ağan, İlin fəal qeyri-hökümət təşkilatı- İqtisadi və
Sosial İnkişaf Mərkəzi, (İSİM) İdarə Heyəti sədri i.e.n Vüqar Bayramov,
İlin vətənpərvər millət vəkili – Qənirə Paşayeva, İl ərzində
Azərbaycanın beynəlxalq aləmdə tanıdılmasında xüsusi xidməti olan şəxs -
Lomonosov adına Moskva Dövlət Universitetinin Bakı filialının rektoru
Professor Nərgiz Paşayeva seçildi. Nominantlara plaket və xatirə
hədiyyələri təqdim olundu.
Şənlikdə
iştirakçılar, xüsusilə də gənclər dünya təcrübəsində analoqu olmayan
Heydər Əliyev kimi dahi liderə malik olduqları üçün xoşbəxt olduqlarını
bir daha nümayiş etdirdilər. Biz əminik ki, Gənc nəslimiz üçün milli
örnək simvoluna çevrilən Heydər Əliyevin dövlətçilik tariximizdə qoyub
getdiyi irs bu gün də, sabah da iftixarla öyrəniləcək.