Azercell ənənəvi biznes simulyasiya (business case) yarışmasına dəstək verdi

 “Azercell Telekom” MMC  təhsilin inkişafına yönəlik daha bir layihəyə dəstək vedi. Belə ki, şirkət  ABŞ Təhsilli Azərbaycan Məzunları İctimai Birliyi (AAA) ilə birgə  Azərbaycan Biznes Simulyasiyası yarışması 2012 (ABCC 2012) layihəsini həyata keçirilməsində iştirak edib. Sözügedən layihə tələbələrə özlərini Azərbaycanın gələcək biznes liderləri kimi hazırlamaq üçün verilən bir imkandır. Oktyabrın 1-dən start verilən yarışmaya indiyə qədər  75-ə yaxın komanda müraciət etsə də, onlardan yalniz  23-ü treyniqlərdə iştirak etmək imkanı əldə ediblər. Tələbələr Azərbaycan Diplomatik Akademiyası, Azərbaycan Dövlət İqtisad Universiteti, Qafqaz Universiteti, Bakı Dövlət Universiteti və Azərbaycan Respublikası Prezidenti yanında Dövlət İdarəçilik Akademiyasını təmsil ediblər.  Bir ay ərzində AAA tərəfindən işirakçılara treyninqlər keçirilib. Dekabrın 9-da isə Azərbaycan Diplomatik Akademiyasında layihənin finalı və qaliblərin mükafatlandırılması mərasimi keçirilib.Yarışmanın finalında münsiflər heyətində Azercell şirkətinin prezidenti cənab K.Qaburiç iştirak etmiş və iştirakçıları peşəkar təqdimatlar münasibətilə təbrik etmişdir. Qaliblərə təqdim olunan pul mükafatlarından savayı layihə iştirakçılarında bəzilərinə Azercell şirkəti adından da hədiyyələr verilmişdir. Qeyd edək ki, Azercell daim təhsil və gənclər ilə əlaqədar layihələrə dəstək verir.. Şirkətin təşəbbüsü ilə istedadlı tələbələr üçün Barama proqramı reallaşdırılır. Bundan əlavə, artıq neçə illərdir ki, Azercell-in elan etdiyi Təqaüd Proqramı çərçivəsində Azərbaycanın ali təhsil müəssisələrində təhsil alan və yüksək nəticələr göstərən  tələbələr Azercell-dən əlavə təqaüd alırlar.
      http://blog.azercell.com/2012/12/18/azercell-ənənəvi-biznes-simulyasiya-business-case-yarismasina