Avstriyanın Azərbaycandakı səfiri Qafqaz Universitetində olmuşdur
Bakı, 5 dekabr (AzərTAc). Avstriyanın Azərbaycandakı səfiri xanım Silvia Mayer-Kaybiç Qafqaz Universitetində olmuşdur.
Qafqaz Universitetinin mətbuat xidmətindən AzərTAc-a bildirmişlər ki, görüşdə bu ali məktəbin rektoru, professor Əhməd Saniç rəhbərlik etdiyi təhsil müəssisəsinin fəaliyyəti barədə məlumat vermişdir.
Xanım Silvia Mayer-Kaybiç Avstriya ilə Azərbaycan arasındakı əlaqələrdən, o cümlədən təhsil sahəsindəki əməkdaşlığın əhəmiyyətindən danışmışdır.
Sonra səfir universitetdə oxuyan avstriyalı tələbələrlə görüşmüşdür.
